[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

كوكب الأسحار ( في علي الأكبر عليه السلام )
ــــــــــــــــــــــــــــــــــــــــــــــــــ ــــــــــــــــــــــ
ياكوكبَ الأسحـارْ === قلبي إكتوى بالنـارْ
مشى الأسى يعثرْ === جرى شذى الأكبرْ
ياكوكبَ الأسحارْ
ــــــــــــــــــــــــــــــــــــــــــــــــــ ـــــــــــــ
مثل الكواكب بالسحــــر يبني يالأكبــــر == لحظه إو تغيب إمن السمه تمشي إو تعثر
وإنتَ إنتهى عمرك مثل نور إبسمه مَـر == ما صدّﮔت عنّي رحت يبني إو لِفَه الشَر
قد ضاعتْ الأحلامْ === وحلّـــــــــتْ الآلامْ
ناري غدتْ تسعَـرْ === جرى شذى الأكبرْ
ياكوكبَ الأسحارْ
ـــــــ
يبني ﭼنت آني أنتظر نورك يغالي == يضوي سنيني والعمر يرتاح بالي
وإتباري امّك بالكُبر يبني يوالـــــــي == بعدك ينور المصطفى وحشه الليالي
قلبي بكى حيـــرانْ === من مجمرِ الأحزانْ
والكونُ قد كبّــــــرْ === جرى شذى الأكبرْ
ياكوكبَ الأسحارْ
ـــــ
يوم المشيت الوالدك روحي تباريك == إنتَ عزيزه ياعلي وإبروحه يفديك
وإشلون يسمحلك تطب للموت يرديك == لكـــن وعد وإحسين لازم ينفجع بيك
في سيفِكَ الأقـــدارْ === على خُطا الكـــرارْ
مثلُ الأبي حيـــــدرْ === جرى شذى الأكبرْ
ياكوكبَ الأسحارْ
ـــــ
عيني على وجه السبط من شفتك إتحوم == بالحومه واجهت القدر والحوم محموم
لمّن شفت همّه إنرسم مولاي مهموم == ناديت ياإبن النبي هَلْ صابته إغيوم
فقـــــــالَ ياليلــــى === قد واجهَ الخيـــــلا
إدعِ لهُ الأقــــــــدرْ === جرى شذى الأكبرْ
ياكوكبَ الأسحارْ
ــــــــ
ساعة إجيت إمخيمك بالشيمه منصور == روحي الحزينه إﺗﻟﮔﺗك والكون مسرور
شفت العقيله عمّتك حيرانه وإتــدور == دمعتها محبوسه إﺑﮔلب بالنار مشجور
وقلبيَ المجـــروحْ === نادى يُعزّي الروحْ
ردى الدُجى أسفرْ === جرى شذى الأكبـرْ
ياكوكبَ الأسحارْ
ــــ
ياريت دمّي إعلى الثرى وَيْ دمّك إينوح == ياريــــــت جُرح الضاهدك صوبّها للروح
ياريت ويّاك أرتحل يبني يمذبـــوح == يبني بعد نورك تظل آلامي مَتْروح
لاتنتهي الأكـــدارْ === وجدُّكَ المُختـــــارْ
نادى أتاني الشـرْ === جرى شذى الأكبرْ
ياكوكبَ الأسحارْ
ــــــــــــــــــــــــــــــــــــــــــــــــــ ــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldrmu50606.mp3.html