[زكي الياسري]

ثوابها الى امواتكم و اموات شيعة امير المؤمنين المنسيين
و اسألكم الدعاء


بنت طاها .... في اساها
تصرخ ينور العين ... تاركني رايح وين
**1**
يابويه افراكك يتعبني ... لا ترحل بويه اترجاك
بعدك من يمسحلي دموعي ... لو نزلت يا بويه انخاك
سلوة روحي بشوفة وجهك .. ما اكدر و الله بلياك
خذني وياك بغيبة بدرك ... ما تحله الدنيه ابلياك
يظلموني ... يفجعوني
يا بويه اهل الشين ... تاركني رايح وين
تصرخ ينور العين
**2**
يا بويه بلوعات الامي ... راح اسكن بيت الاحزان
ابجي عليك انهاري وليلي ... اسمع يابويه الاشجان
من بعدك شلي بأيامي ... بهاي الدنيه مالي مجان
ادريهم من بعد غيابك ... ناوين الظلمي العدوان
حرق بابي ... و عذابي
وين التصبر وين ... تاركني رايح وين
تصرخ ينور العين
**3**
بيني و بينك يا نور الله ... يحله المعتب يا سلواي
تتركني بآهات الفركه ... ما اتحمل يا رجواي
بعدك تتولاني الامه .. وارفع للباري شكواي
بعدك محسن يم العتبه ... يوكع وي دمعة عيناي
سل جنيني ... عن انيني
عن غدرة الجافين ... تاركني رايح وين
تصرخ ينور العين
**4**
حيدر وصيته يشد حيله ... و يصبر بويه مهما صار
مجتف بويه بحبل وصيتك ... لولاهه جا جر بتار
ساكت حتى صوت اذانك ... ما ينشال امن الامصار
الله يساعد كَلبه الصابر ... من حاطت بينه الفجار
حامي جاره .. بذو فقاره
مجتوفه ليه ايدين .... تاركني رايح وين
تصرخ ينور العين
**5**
بويه و لمن ترحل عني ... تذبل ازهار الاحلام
تذبل يالنورك يرويهه ... تقبل لو بنتــــك تنضام
ظلموني و فجعوا اولادي .. ردوا عبدوهه الاصنام
باعوك بدنيتهم بويه ... باعوا كل دين الاسلام
غـــَــدروهُ ... ظـــَـــلموهُ
حيدر ابو الحسنين ... تاركني رايح وين
تصرخ ينور العين
**6**
يا بويه وليلي ما نامه ... و انته عن اعيوني بعيد
شلون اكَدر و الذكره بعيني ... كلما يطلع يوم جديد
من توكف يم بابي تسلم ... كلما اسمع صوتك عيد
و اطلع يابويه و تحضني ... و اطلب منك وشماريد
يا حبيبي .. يا طبيبي
بعدك رماني البين ... تاركني رايح وين
تصرخ ينور العين
تمت 26/صفر/1431

</b></i>