[جعفر المندلاوي]

علي .. نور العرش

=========

بقلمي

أرد أعلنه بمجلسـه وسرّي أبـوح ** لأن حـبه بقـلبي نـور وتبـصـره

وبفخر يرتفع صوتي بكل وضوح ** حب علي بدمي وشراييني جره

سـيدي الكرار يل عطرك يفوح **** من النجف للكون والدنيا سَـرَه

فدوة إلك يا سـيدي روحي تروح ** لــو آنه مقّصـر فأرجو المعـذرة

من جسـر كوفان گُبتك مـن تلوح ** بنـور عرش الله ، وكعبة مـنوره

مـــن أطـوفن بالحرم لَمَن اروح ** إتطوف قبلي هالمَلَك تِلزَم سِــره

وإنت قبرك جامعة وتبدي بسطوح ** بيها إعلوم المضت والحاضره

بيها حوزة والمجالس كالصروح ** فقه وتاريخ وحضـــارة الغابره

يـل ضجيعك آدم ومن بعده نـوح ** إذن منّـك يبـدي ربـي محشـــره

والحشـر يمـك وما حاجـة شروح ** وانـت ثاني طــه تُبعــَثْ أَثَــرَه

انت مجد الكون وغيرك بالسـفوح** وانت يوم الحشر ساقي كوثره

تلتقي بالشــيعي في وجهٍ صـبوح ** وبجنــان الخـلد انـت تبشـــره

واليبغضك حسره عنده وظل ينوح** وبحميم وســــقر مالك يزجره