[عدنان منعم]

للحسن ابعث سلامي*واجمل حروفي وكلامي
يالحسن*يالحسن*للحسن ابعث سلامي
الك اكتب ســيدي اروع شــعر
تاج عالدنيه وامــير اعلا البشر
السهر للحــــــسن يامحله السهر
والله من نورك خجل حتى الكمر
يامل كل الليالي*اغله من كل الغوالي* يالحسن*يالحسن
احنه واليـــــناك مادار الزمان
واليعوفك دوم خسران الرهان
من جبينك هيه مخلوقه الجنان
وبالحشر بس حبك يصير الامان
انته عنوان الكرامه*وبالحشر النه السلامه* يالحسن*يالحسن
يلي حبك يسري وي دم الوريد
وعن طريقك ابد مالـحظه نحيد
غير حبك ابد احـــــــنه مانريد
وياحلاة الموت في دربك شهيد
العمر لجلك هديه*يانبض روح الزجيه* يالحسن*يالحسن




نريد مثل حسيـــــــن نتعنه الوف
والمواكب للحسن تصبح صفوف
انته نور وعمي عينه المايشوف
والضريحك سيدي حتما نطوف
تنبني كبه ومناره *ونقره بالباب الزياره* يالحسن*يالحسن
لاتظن روحي تحب غيرك محال
يلي من حيدر اخذت انته الخصال
واليضدك انه اســــــئله بس سؤال
الحسن وحسين تــــشفع منهو كال
النبي واضح خطابه*انتو للمعبود بابه* يالحسن*يالحسن
يالحسن انته صبح حـــبك يقين
بدون حبك ابد ماينـــــــفع الدين
الله خصكم انته والمولاه الحسين
بيكم الاعــــــمال تقبل كل حــين
بيكم الاعمال تقبل*وراجع القران واسئل*يالحسن*يالحسن
خادم الحسين * عدنان منعم