[زكي الياسري]

قصيدة راية العباس
اهدي ثوابها الى اموات القراء الكرام وشيعه امير المؤمنين من لا ذاكر
لهم يذكرهم واسألكم الدعاء

رايه ابكربله وبيدك لواهه -- راعي المرجله وحامي حماهه
الك يابالفضل نور -- سطع عالدنيه منشور
رايه
رايه ابكربله وبيدك لواهه

++1++

الك يا عباس قصه وبدت من كَـــــبل الولاده
يبن داحي باب خيبر من علي هـــاي الاراده
راد مسند للحسين ابكربــــــــــله ايدير القياده
راد فارس مثله يضرب روس من للباري عاده
حيدر من خطب امك يجيدوم -- طالبهه بفحل ينصر المظلوم
ونته بدور الاصلاب -- سيفك مالهِ اكَراب
رايه
رايه ابكربله وبيدك لواهه

++2++

يمن قبَـَـل أيده حـــيدر والحسين ايقبل ايده
وعلي السجاد اعله خطهم قبل الايد الرشيده
تلث ايمه والك شهــدوا بالمـسارات السديده
نسأل اهل الحكمه عنهه هالكرامات الفريده
نسأل والحُكم لليفهموهه -- نعرض هلدرر لليشتروهه
من يعرف العباس -- من البشر ياناس
رايه
رايه ابكربله وبيدك لواهه

++3++

يم ضيائك ياقمرهه تخفت اشموس البرايه
تفتخر هاشم ببنهه وللـــفخر بيكم نهايــــه
يالمناضل بالطفوف وبيـــدك ازمام السقايه
وحاشه يكَرب للحراير واحد وانته الحمايه
زينب تنضر الوجهك يغالي -- وسكينه عزيزه وانته والي
يمرجــِف الاجلاف -- كلهه امن اسمك اتخاف
رايه
رايه ابكربله وبيدك لواهه

++4++

انته واضح محتواك ابكل وضوح الانتفاضه
بمحكمة كربله سيفك للنفوس الوصخه قاضه
انت ليث اباندفاعك انت صكَر ابأنقضاضه
انت دمهم بالمعاره ابصارمك سيل ِ ايتفاضه
انته المرتضه رادك منُاصر -- لحسين ونلت بيض المفاخر
بيك الامل معقود -- يالموفي بالعهود
رايه
رايه ابكربله وبيدك لواهه

++5++

انتَ قطب الكل مدار السيف نقطة انطلاقه
انت عصر السرعه سيفك هوَ سَبَبْ انبثاقه
انت راس الفتنه سيفك هو شرَع انشقاقه
واببقاء الدين لسه الصارمك اكبر علاقه
لوما صارمك يا شبل حيدر -- ما جان العدل صار وتصور
غيره ونخوه وايثار -- حكمه وعلم وافكار
رايه
رايه ابكربله وبيدك لواهه

++6++

يمن للاسلام ثاير قدم المهجه هديه
هذي مذخوره الكرامه ليوم ميعاد البريه
يوم بالمحشر تداعي فاطمه الزهره الزجيه
بالجفوف الكطعوهه وبالدماء الهاشميه
لمك بالوفه تجازي الحبيبه --- وتقر النضر بيك النجيبه
تطب للجنه مغوار -- مثل جعفر الطيار
رايه
رايه بكربله بيدك لواهه