[((محبة الحسن))]

اوكي راح احط ذكرى
اذكر يوم كنا صغار كنا دائما نروح البحر وكنا نروح من المغرب الى نص الليل
يعني البيت كامل اذكر شلون كنا نلعب ونركض وكان ابويي يقول لينا قصص كانت
جدتي ويانا الله يرحمها اذكر الهواوالجو الجميل منظر البحر وصوته ومنظر النجوم
في الليل اتذكر كنا نستمتع بوقتنا بكل ما تعنيه الكلمه لاكن الحين البحر دفنوه والعائله
كله مشغوله واذا بنطلع يودونا اماكن مال جهال حق اخواني اتمنى في بعض الاحيان
لو نروح بس لمدة ساعه وحده على الاقل ونستعيد ذكريات الطفوله اتمنى اني اروح
بس حتى البحر باقوه وش نسوي بعد حظنا شذي في زمن الاول كانت العائله اذا
اجتمعت غير عن الحين واذكر بعد يوم كنت صغيره يمكن كان عندنا شجرة توت
كنت دائما اركب فوق الشجره بس من زمان قطعوها يوم يبنون بيتنا من كم سنه
ذكريات الاول واجد ولو نذكرها ما نكمل.
ننتظر مشاركتكم بذكرياتكم لا تبخلون علينا