منتديات أنا شيعـي العالمية - عرض مشاركة واحدة - رواية ˚ஐ˚◦ أحلام ورديه◦˚ஐ˚◦ كاملة بين ايديكم

عاشقة أهل البيت · بتاريخ : 20-09-2008 الساعة : 03:41 PM

.. (( الجزء التاسع عشر ))..

الجزء التاسع عشر ..

شوق: قمررر وربي
ريحانه: والدبه تقول واجد المكياج
شوق: لاحلوو لاتغير فيه شي
ريحانه: شفيك ساكته
ندى: مافيني شي
شوق: شفيك ندى
تنهدت تحاول تمنع الدموع: مافيني شي مافيني شي
شوق: قوليها لغيري وغير ريحانه
ريحانه: يلا عاد ندى فكي هالبراطم
ندى: معليش تخلوني بحالي شوي
ريحانه: لا مافيه
ندى: الساعه كم الحين طيب
ريحانه: عشر
ندى: وين باقي البنات ماجو
ريحانه: لا جايين مفروض .. بروح اشوفهم
شوق: ندى ابتسمي حرام عليك وشو يقولوا اهل المعرس جايه عزا
ندى: وانتي الصادقه عزا
شوق: ليش
ندى: مادري ليش ام ماحسيت بها واب مايحس فيني وتالي يجي سعيد الحظ وشو بيكون يعني
شوق: امك الله يرحمها .. وابوك الله يهديه.. ومو كل الناس نفس بعضها يعني ابوك كذا لازم زوجك مثلهم يعني.. انا عشت يتيمه لا ام ولا اب لكن الله سعدني بزوجي وهاهي ريحانه بعد كانت رافضه الفكه وشوفيها الحين
ندى: شوق خايفه انا
شوق: حتى لو كان موزين معك انتي عامليه بالاحسن دائما وبتشوفين
ندى: ان شاء الله
شوق: يلا عاد ابتسمي لايخاف من وجهك
ندى: ههههههه ان شاء الله
شوق: أي كذا قمر
دانه: السلااااام
شوق: وعليكم السلام
دانه: اووو القمر نازل هنا الليله كيفك ياعروس
ندى: بخير الحمد لله
دانه: اشك الصور بتطلع عدله
مريم: ليش ان شاء الله
دانه: لا بس لأن جهه ندى كلها نور اما سعيد الحظ لاا
ندى: ههههههههه وليش
غمزت لها: انتي قمر وبس!!
ريحانه: صحيح ندووي مادريتي
ندى: وشو
ريحانه: دانووه صارت مرت اخوي
ندى: صحيح
دانه: مرت مره وحده ماصار شي بعدنا
ريحانه: هههههه فرحانه لك شو اسوي
ندى :الف مبروووك
مريم: وينها ريموو ماجات
شوق: لا انا خلصت وجيت بتجي مع عمتي
رن جوال ريحانه
ريحانه: الو .. اهلين .. عند وين .. خلاص جايتكم مع السلامه
ريحانه: امي جات تبي تجي تسلم عليك اخليها او لما تطلعي
ندى: لا عاادي خل تدخل
شوق: مرت خالك جات
ندى: عماتي احد منهم جا
شوق: مادري مااعرفهم
أم حيدر: السلام عليكم
ندى: وعليكم السلام
أم حيدر: الف مبرووك بنتي الله يسعدك
ندى: الله يبارك فيك
أم حيدر: وقعتوا العقد
ندى: ايه بالبيت قبل لااجي
أم حيدر: الله يوفقك يمه خلاص طلعي الصاله مليانه لاتتاخري على الناس
ندى: مادري عمتي للحين ماجات
طق الباب ..
ريحانه: تفضلوا
أم حسام: زاد فضلك .. حبيبتي ندى تطلعي الحين ؟
ندى: أي عاادي
أم حسام: دقايق بس اقول للملايه واجمع البنات وجايتك
ندى: ان شاء الله
أم حيدر: انا بروح ادخل
ندى: قواك الله
بعد دقائق ..
أم حسام: يلا غناتي
طالعت بشوق تستنجدها ...
ابتسمت لها شوق: يلا
طلعت .. وقفت ببدايه الصاله .. تنتظر اشارة المصوره لها انها تمشي
الملايه قرأت ايه اكرسي .. وبعد الصلاة على النبي .. مشت للكوشه لين ماوصلت وجلست
أما الحضور ...
رغد: كشخه تجنن مرت اخوي
سعاد: هههههه كليتيها بعيونك تراها مرت اخوك مو حقك
رغد: ياخبله داريه تعلميني
سعاد: الله يهنيهم ويعقل اخوك
رغد: هههههه لامابيعقل اذا شافها
سعاد: الحمد لله والشكر
رغد: من البنات اللي معها خواتها
سعاد: ماعندها خوات يمكن صاحباتها او قريباتها
رغد: اممم مايشبهوا بعض يمكن صاحباتها .. شوفي اللي لابسه وردي حلووه
سعاد: حتى هاذي شوفيها
<><> وماتخلص الهدره على البنات ولبسهم كالعاده !!:p <><>

الساعه الواحده ليلاً ..
سلموا عليها البنات كلهم لان الحين بيزفونها ..
سلمت عليها مرت خالها الوحيده .. وعمتينها .. وتالي أم محمد وام حيدر وام عبد الله .. بالاخير صاحباتها .. كل وحده كانت ضمها وتحاول تهديها وتمزح معها لعل وعسى مزاجها يتعدل شوي ....!!
رغد: ندى نخليه يدخل خلاص
وقفت: ايه انا جاهزه
رغد: صاحباتك مشوا؟
ندى: لا بيلبسوا عبيهم وبيجو
رغد: تبين تنتظريهم
شوق: نحن هناا جينا
رغد: ههههه طيب خلاص هو ترى وصل
شوق: اخخ مامداني اقعد عالكرسي لازم اقوم يعني
رغد: هههههه لاعادي تبين تقعدين براحتك
شوق: هههههه بقوم
رغد: حامل صح؟
ابتسمت لها: ايه صرت دبه
رغد: لا حلوه دبتك بعدها صغيرونه
شوق: أي صغيرونه احس على اخر شهر مابعرف اقوم
رغد: ههههههه
أم حسام: يلا حسام بيدخل
شوق: يلا انا نازله بس بنتك اخرتني
رغد: اناا هااا
شوق: هههههه أي
غمزت لندى ونزلت ..
حسام وصل .. .. .. ..
تمت الزفه بعاداتها .. اول شي الدبله .. الطقم .. الكيك والعصير. اخر شي التصوير ..
ندى مارفعت وجهها الا لما كانت بتعطيه الكيكه والعصير
كان صحيح وسيم .. لكن ...!!
كانها عارفه الوجه هذا قبل ؟؟
سرحت شوي .. تذكرت ..
ندى: ان شاء الله .. لؤي شوف ذا الرجال كأنه مهوم
لؤي: اللي يمشي؟
ندى: ايه سرحان ومهموم يطالع بالبحر...
سعاد تمزح: ندى اشربي بينكب العصيرعليك
انتبهت لنفسها رفعت عينها .. التقت بعينه .. نزلت عينها.. رشفت رشفه حطت ايدها على الكاس نزلته ..
بعد دقائق ..
رن جوال حسام ..
حسام: ياهلا .. لا خلاص طالعين .. أي قربها .. ههههه طيب مع السلامه
أم حسام: من متصل
حسام: اخوي ينتظر برى يسأل بنتأخر او لا
أم حسام: لاخلاص توكلوا
طالع بندى ...: يالله نمشي
قامت .. مشت معه .. لوين ماتدري ..... للمصير المجهول ..!!

فيصل: يااهلا اجي
ريحانه: ههههههه أي
فيصل: مابغيتووا.. لاتقولي بنام
ريحانه: ههههههه لا مابنام اقعد معي لبكره
فيصل: صج
ريحانه: ههههه لا
فيصل: افااا خلاص برجع
ريحانه: هيي لاتروح اخوي قلت له ينام
فيصل: ههههه يلا طلعي .. دانه وامي مشو
ريحانه: أي مع عبد الله من شوي يالله طالعه ...
بالسياره ...
فيصل: افتحي وجهك مافيه احد
ريحانه: ماني لازم مرايه اول
فيصل: ههههه عدل ماتعفس
ريحانه: احلف شدراك
فيصل: قلبي قال لي
ريحانه: الحين نوصل
فيصل: باقي واااجد
ريحانه: مو دقايق هي
فيصل: تعشيتي ؟
ريحانه: لا
فيصل: افا ماقلتي
ريحانه: عادي مو جوعانه وايد
فيصل: لا بمر المطعم هنا تنزلي
ريحانه: لا مايحتاج الثوب طويل وسالفته سالفه
فيصل: أي صح البيت احسن كذا مابشوفك عدل
ريحانه: هههههه
فيصل: قفلي السياره دقايق وجاي
بعد دقائق ..
ريحانه: بسرعه خلصت
فيصل: تعرفي الواسطات هههههههه اصلا طالب بالتلفون قبل مااجيك

ببيت اخر ...

انسدحت شوق عالكنب
شوق: الحمد لله
محمد: مداك شبعتي
شوق: أي بقوم انام متكسره امبي انام
ابتسم لها: شخبار ولدي
شوق: يسلم عليك لو تاخذه عني شوي
محمد: ههههه جيبي دبتك مايصير استعاره شوي
شوق: ياريت
محمد: هههههههه ثقيل عليك
شوق: لا بس حرر وهو يزيدني
محمد: الله بالشهر التاسع وشوبتقولي
شوق: الله يعين
طق الباب ...دخلت ريم
ريم: تقول لكم امي تبون شوربه
محمد: لا اكلنا خلصنا
ريم:قلت لها اخذو اكل بس قالت لازم تسأليهم
شوق: ريموو بقى عندنا اصلا اذا تبي
ريم: لاشبعت انام بروح اخمد لي نومه عدله بعد هالتعب والكعب
شوق: ههههه محد قال لك كان اخذتي ثوب طويل مثلي ولبستي نعال قصير
محمد: لو تلبسي نعال زنوبه محد درى
ريم: ههههههه وانت الصادق بس ثوبي كان قصير مااقدر البسه
محمد: عادي فيه الوان بنعال زنوبه
ريم: هههههه قول لمرتك تلبسه
محمد: لاا والله شوق ماتلبس زنوبه
ريم: أي ناس وناس .. شوقو نمتي
فتحت عينها: امبي اناااام
ريم: قومي
شوق: ملانه اقوم
ريم: هههههه يلا انا نازله
شوق: وبكره جهزي مبكر ولانمشي عنك
ريم: متى بتروحو
شوق: الليل
ريم: خخ اكيد قعدت
شوق: شدراني عنك تسويها
ريم: تصبحوا على خير
محمد:وانتي من اهله ...