[الحيدرية]

على ابساط الفرح ... قصيدة بمناسبة مولد الامام العسكري عليه السلام

على ابساط الفرح
طاير وأغني ابشوك ...
والمولود كرب
ساعته بفجرّه !

وبكلوب الموالي
مراكص الجلمات ...
والنسوان بهلاهل محبه
وشوك تنتظرّه !

نعيّد الوادم ابسمات
هذا وذاك ...
ابهوسات الضمير
جذورّه المخضرّه ..!

بنفحات المسك
وعطر طيب الكاع ...
والعنبر نسيم ايغازل الحرّه !

ببشارة ولينه
الهادي للخلاّن ...
يخبرهم حبيبه الجاي
وبسرّه !

يخط نورّه الولادة
العسكري بيمناه ...
وبصلبه الحنين
اوياه للعتره !

يشيله ويحضنه بجفه
ويناغي الروح ...
أبوه ايمايزه بجده
النبي المختار ...
ويبشرّه !

ويختم بالعهد
للشيعه تتلكاه ...
وتنصره بزمن
وتواكب ابنصرّه !

هذا بن الفحول
وجده داحي الباب ..
معروف النسل موصول
بالأصلاب للزهره !

ماتخفه الحقيقه
أسراره بميلاد ...
سامره بدهره سنين
لو تطرّه !

يتمايز حسن وبوجه نور حسين
شاراته الكرم
وعمامته الخضرّه !

شاله اعله المتن
يتلابس بجلباب هيبة طول
بعيونه صبر
فجرّه !

بسنونه البياض
يلالي بالوجنات ...
تسجدله النجوم
إيدنه الكمرّه !

يبشر الوادم ابطيبه
ويفيض أنوار ...
بعيونه التلاوه
اتسبح وتقرّه !

يله ويه الولاده
كلوبكم ختفيض ...
إيمان وبذرّه
ايكبّر الشجره !

لاتبكه بزمن
منشاره حد وسيف ...
والذباح ويانه يصف
كترّه !

اذن واوينه بعيونه
طبع للذيب ...
يغدر عشرّته
ويشرمخ بظفرّه !

اذا هدموّ جدار منارته الأرجاس
ماهدموّ ركنه
ويانه وبتاريخ
بالحضرّه !

روح الكبته
وأقره الملامح زين
تلكاه برسمه الشيعي
يتذرّه !

وميخاف المنايه
ايسابك برجليه ...
يدري وياكم اشماصار
وشيجرّه!

يحط روحه نذر
ميسلّم الأرهاب ...
وبهاي الرساله ايثبت
ابحبرّه ‏




من - مواهب
الشاعر - ابو احمد الحداد المسعودي

smilies/012.gif