[خالد محمد مهدي]

((وجنبه))

هواك شــلون أعوفنه وجنبه

بشرايين الكلب ذايب وجنبه

وعليَّـــه الليل لوهوَّد وجنبه

يهل الدمع من دم عالرزيه

************

((ومنمنه))

النبي يحسين منَّك ونته منَّه

نرد حوضك يوالــي ونتمنَّه

ينوح الكَلب تسمع ونتمنَّـــه

بضمايرنه تظل يبن الزجيه

************************************

((56))

اسم القصيده( انتصار الدم))

========================

حسين للأسلام ابيوم الفجيعه**ابروحه واشرف ناس ضحّه وبرضيعه

الدم عله السيف انتصر

ابموقف العزّه والفخر**جدد الدين ابدما وحيا الشريعه

************

ارسم الصوره بخيالك ** للعقيده جيش صابـــــــــر

وجيش اقزام اّل اميــــه** عله حسين أوضعنه داير

والمنايــا طيور حطّت ** تاخذ ارواح وتسافــــــــر

المولى وصحابه بعزم

عالموت شدّوا الحــزم

من الشدد ماتنهــــــزم** بكربله رسموا مفاخــــــر

هجمت الانصار عالموت أبَّساله **خطوّا أبدم الشهاده النّه رساله

لابد نسير اعله الاثر

ابموقف العزّه والفخر* جدد الدين ابدما وحيا الشريعه

**********

الفجر لابــــــد يبيّن ** ويكشف الظلمــه بنوره

شيعته ترفــــع أديها** تندعـــي أيعخّل ظهوره

تنتنظر تفرج شددها** والزمن يطوي عصوره

متعلگه أبحبــــل الصبر

يابو الوفه اشظل بالعمر

كلنّه أمل يطلع فجــــــر** عفَه أحبابه اشگد صبوره

الكربله الرايات تحملها الايادي *ريت كلنه أوياه وبثاره ننادي

يــاوكت يفرجها القدر

بموقف العزه والفخر** جدد الدين ابدما واحيا الشريعه

************

محبته واجب علينـــــــه** من حليب أمنَه رضعنه

حسين من دونه بظليمه **صحّح بدمَّـــــه وضِعنَه

كربله نور وهدايـــــــــه** البيها وحّدنه او جمعنه

بأعظم درس جَد او نجح

فوگ الوطيَّه من أنذبـــح

بالغاضريه الدم ربَــــــح** والله لوما نوره ضِعنَه

هذا برهانه ابو اليمه ودليله**شما نقدّم تضحيه لجله قليله

تضحيته للحق والظفر

بموقف العزه والفخر**جدد الدين ابدما وحيا الشريعه

***************

يل تريد اتعيش يومك ** ابراحه محفوظ الكرامه

أبدي بسم الله ورسوله** وذكر اهوال القيامـــــه

اتبــــع العتره ابدربها** تعبر الدنيه ابسلامــــــه

احسب احسابك بالعمل

ايّاك يموالي الفشــــــل

ساعه أو يوافيك الاجل** وبعد ماتنفع ندامــــــه

احسب ايام العمر ساعه ابساعه**الفائز الماخذ اوياه احسن بضاعه

بجنات عدن المستقر

بموقف العزه والفخر**جدد الدين ابدما وحيا الشريعه

***********

اليوالي بگلبه يعنــــــي** واگف بوجه المدافـع

كل عمل ربح أوخساره** والضريبه الزوم دافع

علّي صوتك لاتخرســه** كــل نداء اوأله سامع

من عالمنابــــر جلمتك

اشرحها وضِّــح غايتك

المعروف ذمّه ابرگبتك **او ثوابه العمل نافع

الك يتضاعف اجر كل عمل بسمه **ويانه وبيوم الحشر يحضر القسمه

نعبرها مرحلة الخطر

بموقف العزه والفخر**جدد الدين ابدما وحيا الشريعه

*****************************************

((57)) عالثره مذبوح

*****************

عالثره ظل مذبوح ** ماظلّت بيّه الروح

منذبح ظامي **مسلّب ودامي
***************
شنسه من مصاب حسين ** اذكر ݘم سهم صابــه
جروحه ورمّن گلبـــــــي ** عصرات ألم تنتابـــــه
ماعوف الونين ونوح ** تبقه عيونـــــــي سݘّابــه
يصرخ هظمي عالمظلـوم ** آ يحسين ومصابـــــه
ماأنسه ذاك اليـــوم
حرمّت عيني النوم**وانظر گدّامي **مسلّب ودامي
**********
جنت كل لحظه ألــي لݘمه ** اعاني ألامه وجروحه
يكوم ويوكع كبالــــــــــــي **وشوفه ينازع بروحــه
تالي توسد الغبــــــــــــــره **بعد مانشفت جروحـــه
ماݘنّه اخوي الطـــــــــــاح ** آنه الطحت مذبوحـــه
ريت أندفن ويّاه
ماعيشن بليّـــــاه** سودّت ايامي ** امسلّب ودامي
**********
بعد ياموقف الانســـــــاه **أنظره اشلون صابه الغم
رجع من من جثة العباس**وشوف عيونـه سالن دم
عل صدره ألابو السجـــاد** مصايب الدهرتلتـــــــــم
أنحنه ظهره وتعب حيلـه **ألاخر نفس يتألــــــــــــم

الرايه طاحت من طاح
والشمر بينه صـــــــاح **حرگوا خيامي ** مسلّب ودامي

**********
اعاين ونظر الحالــــه ** گبل مالحال يتغيــــر
گوّه ينكل جدامــــــــــه** بين الجثث يتعــــــثّر
ساعه امودع الانصــار** ساعه أمودّع الاكـبر
طبع المصطفى ورسمه** نايم عالثـــره أموذر
أيرد للخيم مكسور
وعيونه دم أتفــور **دموعه آلامي **مسلب ودامي
**********
ݘم موقف يمر بيّــه ** يحيّر الرايد أيوّصفــه
ݘن جفوف متحنيــه ** وعلكنه الشمعه للزفّه
حاوطها الفرح خايف** من نسمة هوه تطفــه
لاكن حكمة الاقــــدار** أصرّت بيّه تتشفّــــــه
تالي انطفت لشموع* والحنه دم ودمـوع* ضاعت أحلامي * مسلَّب ودامي



************************************************** ***

((نداء المسبيه))((58))

عكب حسين ماريدن حياتي اليوم

أريد الموت ويَّ أبن أمي المظلوم

ظل عطشان عالغبره النده محروم

بعد مصيبته الكون أظلم عليَّــــــه

--------------------------------

أظلمَّت دنيتي وصارت بلايه نور

سبع الكنطره من طاح طاح السور

كلبي اعله النوايب صابر ومكسور

بعد حادي الضعينه من يرد بيَّه

--------------------------------

هم أسمعتوا ساعة العرس مأتم

طفو شمعات جاسم والعرس ماتم

آه من المصايب عالكلب تلتـــم

بعد للموت ماحنِّيها لاديَــــــــــــّه

------------------------------

علينه بخيلهم من هجموا اعلينـــــه

وبحبل السير جتفونه بدينـــــــه

وصحنه عباس وين أيساره ويمينه

أو وينك يعالي أحضرنه المسيه

----------------------------

درب طوــــــــيل لاظلّي ولي وحادي

سمعت صوت الشماته أبفرحته أينادي

أخذنـــه الثـــــــار منكـــم عترة الهادي

جتلنه حسين بالطف وخته مسبيَـــــــّه

---------------------------

حركوها الخيم يخوتي وولونه

يساره عللهزل من يمكم أخذونه

اكبال الأَحس قدره اليوم وكفونه

جثث أبلا دفن عطشانه مرميَّه

---------------------------

رابي اعله الرذيله يزيد وعوانه

الذلَّه رضعته وظل يلهث ألسانه

خلَّه سيوفهم سابحه بدمانـــــــه

لانخوه أو رجه ولاشيمه عُربيَّه