منتديات أنا شيعـي العالمية - عرض مشاركة واحدة

منذر الساعدي · بتاريخ : 28-07-2013 الساعة : 08:11 AM

انطبر حامي الحمه
حسين الساعدي

عظم الله لنا ولكم الأجر والثواب باستشهاد امير المؤمنين علي عليه السلام

الطابر هامتك فَجهه وَرضهه
وبجت حته السمه لاجلك وَأرضهه
اليتاماك ارجع اشبعهه وَرضهه
اليتامه ابموتتك شافت أذيه
--------------

الك أيات بالقرأن نَصن
واشكد هامات يم هامتك نَصن
وصارت هامتك بالسيف نصين
انعمت عيني يحماي الحَميه

-------------------

فاطمه يفاطمه-انطبر حامي الحمه

الفجر يابن الرسول
انطبر فحل الفجول
الأرض ضجت يابتول
وكل ملائكة السمه
فاطمه يفاطمه-انطبر حامي الحمه

----------------

وينه وينه المصطفه
خل يجي ايشوف اشصفه
نور ابو احسين انطفه
والكواكب مُظلمه
فاطمه يفاطمه-انطبر حامي الحمه

--------------

الطبره جَتاله محال
أبد مابيها مجال
يشفه ويعين العيال
عله هاي المظلَمه
فاطمه يفاطمه-انطبر حامي الحمه

--------------

زينب اتون وتصيح
ياجبل ماظن تطيح
بويه بلهامه جَريح
يل امخضب بالدمه
فاطمه يفاطمه-انطبر حامي الحمه

--------------

يخجل ايكول الكلام
وانته بلدنيا إمام
حيدر ابشهر الصيام
للأسف ماتممه
فاطمه يفاطمه-انطبر حامي الحمه

------------------

بعد ياهو اليعتني
باليتامه ياعلي
رد عليهم يالولي
بيك كلها اميتمه
فاطمه يفاطمه-انطبر حامي الحمه

--------------

ياوليد الكعبه كوم
عالحسن صار الهجوم
اتحضروله بالسموم
أل اميه الظالمه
فاطمه يفاطمه-انطبر حامي الحمه

----------------

يا أمير المؤمنين
بأسمك اينادي الحُسين
ترضه أبقه ابلا مُعين
والعده متحَزمه
فاطمه يفاطمه-انطبر حامي الحمه

الشاعر حسين الساعدي