[عبدالله خلف العتابي]

قصيدة
باجر من يناشدّهم
ـــــــــــــــــ
باجر من يناشدّهم****ويذكر جريح الهامه
ابحيدر علي وصّاهم****والنبي حجّه كلامه
ــــــــــــــــــــــــــــــ
باجر من يناشدّهم****ويذكر جريح الهامه
منهم يا عمل يقّبل****ومنهم زادت الامه
وكدّام الحيد يسمع****وهاي اتنوح ايتامه
وراس الحيد دم ايسيل****والكون ردّد سلامه
ونزل جبّريل يلطم****وسال الدمع كدّامه
للمحراب لمّن وصل****بالحال قبّل امامه
مثله ابهالزمن محّد****مثل نور النبي شيّد
واليتيم ابعلي مسعد
اشجعهم واتقاهم****وعلي كافل ايتامه
ــــــــــــــــــــــــــــــ
وابوهم حيدر الكرار****وامهم فاطه الزهره
ايتام المشت للدار****اتنوح الضاكت المرّه
ولمّن لاذت ابزينب****ونار الكلب مستعره
ومنهم شمّت الكرار****ومنهم شمّت الحسره
ونادت ياحسن اركض****لحيدر هسه بالحضره
ونادت لحسين اركض****لحيدر هسه بالحسره
وسمعت زينب ايّتام****وتصرخ لجرح الامام
والدين ابعلي مقدام
ولمّن كام ملجمهم****وجان مدنّك الهامه
ــــــــــــــــــــــــــ
للمحراب طّب الحسن****وبالحال شم المختار
وشاف الجرح دم ايسيل****وبكلبه شال الكرّار
للدار حيدر من وصل****هم ناحت ادموع الدار
وزينب نادت الزهره****ومن الكلب شبّت نار
امير الخالقه الرحمان****على ايده نزل فقّار
ناس البايعت كرّار****للدوم ابد ماتحتار
علي الهدّم الاصنام****وعلي كافل الايتام
وعلي فارس الاسلام
ويوم الحشر ناداهم****وكال من ربي الامامه
ــــــــــــــــــــــــــــــــــــــ
بقلي خادم اهل البيت (ع)
عبدالله العتابي