[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

إبوذيات في مولد الكرار عليه السلام
ــــــــــــــــــــــــــــــــــــــــــــــــــ ـــ ــــــــــــــــــــــــــ
ما أسعد علي إبملگــاك يومي == بيت الله إنفتح فرحان يومي
نور النابع إبيوماك يومي == عذب يروي المحب يابو الحميــّه
ـــــ
بالشريان حبــّك دوم يسري == علي أهواك والدلاّل يسري
يروح المرقدك وإيحين يسري == يزول الهم ترد روحي زهيـــّه
ـــــ
إحنه إبحب علي نصعد وَنــِسـْمــَه == حـُب المرتضه مرهم وَنــَســْمــَه
تمر وإيطيب دلاّلي وَنَـسْـمـَه == إذا نوره يمر طيفه عليـــّه
ـــــ
علي الله القدير اليوم مَنْ بيه == بيت الله إبتهج فرحان مَنْ بيه ؟
بيه المرتضه والدلال مَنْ بيه == بـــَلْ أمنان من حــُبــّه الشفيـــّه
ــــــــــــــــــــــــــــــــــــــــــــــــــ ــــــــــــــــــــــــــــ
مع تحيات شاعر اهل البيت / جابر النجفي
إسمعوا الأبوذيات في هذا المقطع
http://www.wlidk.net/dldzob42566.mp4.html