منتديات أنا شيعـي العالمية - عرض مشاركة واحدة

_______________________

قصيده الماي خطهه بجربته العباس
وحلف يسگي العطش بحروف مطلعهه

قروله شگد شعر رادو يعوف حسين
ياصوره التمر يصيح سامعهه

مو بس المعسكر شالعه العباس
تره الدنيه بكبرهه الگمر شالعهه

شتحسب رايته؟ بس رايته عن جيش
على خشم النهر دگت طلايعهه

شاعر من صدگ مو بالقلم بالسيف
يكتب عالرگب ويطيح رافعهه

بمتن سيفه صور ماترسم عالبال
عله روس الزلم من يقره يطبعهه