[شبكة جنّة الحسين]

قصيدة / دْموع الحزن
.....................................

حسين انوله ابطف كربله
ارض او سمه تبچي دمه

...................

سيوف الاعادي اتولته بالحومه – صدها ابحسامه او صولته المعلومه
رغم السهام الصابته المسمومه – الف او تسعمية جرح ملظومه
وبگلبه صَوب حرمله – سهم النبال الظالمه

...................

نار الگلب تسعر جمر لهابه – دموع الحزن تنزل دمه لمصابه
الگبره تجي نزحف ننوح ابْبابه – الباب الگبر نوصل نِشِم اترابه
وْلاطهر تراب انقبله – لابن النبي او حامي الحمه

...................

ذل الجيوش الكافره من ناده – الدين النبي اتنصبنه احنه القاده
وْلاتقبل اتعْيش ابخضوع اولاده – وْهيهات تنذل يايزيد احفاده
نهج الرساله تحمله – للموت كلها امحزمه

...................

حسين انوله او محد يداوي اجروحه – ولْده او صِحابه امذبحه او مطروحه
وبكربله مدمي او يلوج ابروحه – ينظر لخيه جثته مذبوحه
هذا المصاب اشْيِحمله – ساعة عذاب او مؤلمه
...................

كل هالجراح او هامته مرفوعه – صرخة ولينه ابكل زمن مسموعه
وين اليناصر ثورتي المشروعه - اعظم قضيه اتسجلت موسوعه
باقي صداها بالعله – اكبر قضيه او ملحمه

...................

الهليوم حزنك يالفرات انشوفه – واسباب حزنك يالوفي معروفه
معروف ميك يالنهر وظْروفه -- عالمشرعه جْيوش الكفر مصْفوفه
منعوك ترْوي العايله – وابْن الرسول او فاطمه



...........................................
.............................

خادم اهل البيت ( ع )
الشاعر
سعيد الفتلاوي الطويرجاوي