[مرتضى شكر]

اموشــــــــــــــــــــــــــــــــــــــــــــــ ــــــــــــــــــح

اجروح جسم احسين مشكاة الدهر
نورن درب الكرامه والفخـــر
احسين باب الله اومحطات العبـــر
شيد الدين ابنزف شريـــــــانه -----1
شيد الدين اوبنه صرح الخلــــــود
أبو السجاد اوفتح باب الوجود
حي شهيد الطف على مر العقــود
على الدنيه الدم فتح بيبـــــــانه -----2
فتح بيبانه اورسم خط الشـــــروع
الدم يگصراوياه شتگول الدموع
امزابگ ارواح اويه شباچ الضلوع
دون شباچك تفر ولهــــــــــانه -----3
اوياك يحسين اعله فطرتنه نگول
مانمل منك يشريان الرســــول
عن سراط امحبتك لا ما نــــزول
والگلب يحسين ظل عنـــــوانه -----4
ياحسين اوياك مرهون العمــــــــر
اشما نصد للماي يعصرنه العذر
نستلذ واحسين دلاله جمـــــــــــــر
اويابس امن الضمه اوحره السانه -----5
بعد نذكر جرح من طف كــربــله
من روت عبد الله نبلة حــرمله
للحشر صوت الرضيع انـــوصـله
يرب يم عدلك فتح ذرعـــــــانه -----6
يارضيع الطف يدمع الفـــــــاجعه
اعليك دم هلت اعيون الــواقعه
ثارك امسه الصبر ثوبه اوبرگعه
يمته أمر الله يتم تبيــــــــــــــانه -----7
********************************

*******************************

الثلاثاء 13-10-2009م الموافق 23-شوال 1430هجريه

مرتضى شكر
النجف الأشرف