[قوافي الأيثار]

أجت بالأربعينيه = مواكبنه الحسينيه
تعزي حجة الله = حسينا وا حسيناه
_________
زحف نزحف لابو اليمه وحناجرنه
(نشيد الثورة يحسيــــن بضمايرنه )
نقدمها فــــــــــــــداءاً كل مناحرنه
وشعائرنه الحسيــــــــــــنيه هويتنه
حسينيين احرار = نصيح بصوات ثوار
وهذا الصوت معناه = حسينا وا حسيناه
_________
أجيــــــنه بأربعين حسين مشايه
نسحـگ عالخطر لحسين عنايّه
انصار ونضل للزهره وفـــــايّه
نواسيها ونعلي بكربلـــــه الرايه
مواكب تزحف زحوف = أبد ما تعرف الخوف
عهد بالدم كتبناه = حسينا وا حسيناه
_________
شعائرنه الهويــــه وألها منتسبين
وعلى حب المراجع احنه متربين
لحسين انخلقنه بعــــــالم التكوين
وحسينيين نبقه احنه الحسينيين
نصيح بعالي الصوت = نحب حسين للموت
مثل عابس عـشـگناه = حسينا وا حسيناه
_________
أجينه انواسي زينب بالجره عليها
عقلية هاشــــــــم وبالروح نفديها
على تل الحزن نسمــع مآســــيها
يوم الناحت عله حسين واليــــــها
وينك يا ضوه العين = تسمع صوتي يحسين
والاملاك تنعاه = حسينا وا حسيناه
_________
على درب الحسين الشيعه ممشاها
ميهمها الحقد وحسيــــــــــن وياها
على حبه تقدم كل ضحـــــــــاياها
وشعائرنه تضل والمهدي يرعاها
تضل هاي الشعائر = نور اهل البصاير
تضل والله والله = حسينا وا حسيناه
_________
عمار جبار خضير
2012