[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

مجروح قلب الزهره ( تجليبه )
ــــــــــــــــــــــــــــــــــــــــــــــــــ ــ
مجروح ﮔلب الزهره === يحسين لاهب جمره
ــــــــــــــــــــــــــــــــــــــــــــــــــ ــــــــــــــــ
مجروح اﻟﮔلب عدها إو أبد مَيْطيب == عن مجلس عزاءك فاطمه مَتْغيب
تِسَجّلنَه الزﭼيّه والحِضُر مَيْخيـــب == نشاركها إبمصابك ﻧﺳﭼــب العبره
ــــــ
نشاركها الزﭼيّه إو نذكرك مولاي == نذكــــر كربله من ﻋﺷﮔت الوفّاي
عطشانه إو تريده دوم ﻳﺳﮔــي المـاي == وبو فاضل وفاها إبحُب فتح صدره
ــــــ
وبو فاضل وفاها الشافعه إبأيمان == أمّـه الوَصّتَه إبهذا عظيم الشان
عن إخته العقيله يمسح الأحــــزان == يظل لحسين مثل الظل تحت أمره
ــــ
يظل لحسين مثل الظل أبو فاضـل == ولزينـــب أبـــو الغيره يظل كافل
تنضح غيرته لو شاهد الباطــل == توفيه الزﭼيّه إو ياخذه الأجره
ــــ
توفيه الزﭼيّه ما يظــــــل حيــــران == مُحب إحسين بالمحشر يحل فرحان
يفوز إو ما يُمر جسمه على النيـران == أبـــو الأكبر يحضره من يطب ﮔبره
ـــ
أبو الأكبر يحضره العاﺷﮓ إترابـه == يعــــرُف سيـــدي أصحابه وأحبابه
نظل ﻧﺑﭼـــي على المذبوح وإمصابـه == أبــــد ما تنتهـــي الأحزان والحسره
ــــ
أبد ما تنتهي الأحزان يلغايـــب == تظل لمّن نشوفك ياولي إتطالب
بثارات الحُسين إبسيفك اللاهــب == والعاﺷﮓ يفوز إو يربح إبصبره
ــــ
والعاﺷﮓ يفــــــوز إو تنتهـــي الآلام == يموت الناصبي إو ما تنهض الأقزام
نعيش إبخير نرفع راية الأسلام == ظهــورك سيدي الأحباب تنتظره
ــــ
ظهورك سيدي إبيايوم مولانه == يومــك ياأغر معروف عنوانه
يزيل إمن النبي المُختار أحزانه == يزيــــل آلام أمّـــــك فاطمه الحرّه
ــــــــــــــــــــــــــــــــــــــــــــــــــ ــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldl1b96852.mp3.html