[زكي الياسري]

قصيدة أهدي ثوابها لكــــــم و الى امواتكم و اموات شيعــة امير
المؤمنين عليه السلام من لا ذاكر لهم يذكرهم و على الخصوص
خدام ابي عبد الله الحسين عليه السلام و الشهــداء الكـــــــــرام
و أسألكم الدعاء
زكي الياسري النجفـــــي

طوف يهلال الحزن برض الطفوف
يوم عاشِـر عوف طوفـك عالشمس
1
جاذبية كربلــه اتفـــــــــوق الخيـال
طوف بيهه و عـوف قانونـك هِـلال
شنهو نور الشمس يم هـذا الجمـال
نور دم احسيـن تحريــــــــر النفس
يوم عاشر عوف طـوفك عالشمـس
2
نور دم احسين نـــور امـن السماء
شع كرامـه او عنفــوان ابكربـــلاء
نور ما ينضب عطـاء ابسِـد عطـاء
نور خالد منه كل خيــــــــر اقتبـس
يوم عاشر عوف طوفك عالشمِــس
3
جاذبية كربلـه بلــــــــــــــون اليقين
أصبَـــــح العباس حارسهــــا الامين
من رفع راية وفــــــــــــاء ام البنين
راية مهما صار ابد مـــــــــا تنتكس
يوم عاشر عوف طوفـــك عالشمس
4
نور خالــد بالخلـــــــــــــود الازلي
من مُحمـد إمتــــــــــداده الحد علي
ومن حَسن لحسين شع نوره الجلي
و انتفض ضد الجهَــــل أعظم درس
يوم عاشر عوف طوفك عالشمــس
5
درس للإنسان يشــــرح كـل صعب
يختصر للتايهـه اطويــــــــل الدرب
و الحياة اتعـود للميّــــــــــــت گلُب
و الوطن للبلوطـن غربة يحِــــــس
يوم عاشر عوف طوفــك عالشمس
6
غربة الأوطان غـربـــــــــــــة قاتله
بيها حس احسين ابن عقــــد الوله
وشد رحاله و صار منــــوه القافله
تعلن الدم نصر ضد سيـــف الرجس
يوم عاشر عوف طوفـــك عالشمس
7
راية الله ابكربله اتـرف علوجـــــود
لونها الاحمر يشع غيره و صمــود
كتب بيها احسين بالـــــــدم الخلود
و المعالم واضِحة و ما تنطمــــس
يوم عاشر عوف طوفــك عالشمس

بقلم: زكي الياسري النجفي
14/11/2012