في ذكرى أستشهاد أسد ثقيف
يا لثارات الحسين ... هذا صوت العاشقين ... وبيقين الثائرين ... ناده المختار
********************
بالطفوف وكربله تمادت أميه
ذبحت حسين وعياله الهاشميه
ونهبت وحركت خيمه بلا حميه
وأخذت عياله بلا رحمه سبيه
قتلت أطفال وحرم ... وحركت حتى الخيم ... وكطعت جف العلم .. أبذيج القفار
*******************
يا لثارات الحسين بالكوفه من قام
زلزل الكوفه بأميه ودولة الشام
وأخذ ثارات النبي وثارات الأسلام
أبقتل كلمن وكف أبوجه الأمام
منهم يطهر الأرض ... ما يفيد بيهم وعظ ... ذبح بسيوف وبعض ... يحركهم بنار
*****************
جمع أصحاب الشيم وأهل الحميه
عرب من الكوفه ويمن والثقفيه
والموالين العجم عشاق حيدر ديلميه
وخرج يطلب ثار دم أبن الزجيه
عاشق وثار بعشق ... من يلاكي المرتزق ... عنقه أبسيفه يدق ... من ياخذ الثار
********************
طارد أجيوش الخنه بسيفه المختار
شمر أبن جوشن أخذ من عنده الثار
وعمر بن سعد أذبحه أبساحة الدار
وأبن مرجانه بعث براسه للأحرار
ثار بجيوش الغضب ... وسيفه قاطع للركب ... راوه الكوفه العجب ...ابذبح الأشرار
*****************
هاي ثوره وثار بيها العاشقين
ثورة المختار وأحباب الحسين
عشق حيدر مله كلب الثائرين
ثارو يطلبون بدم أبن الأمين
ثار الحسين مطلبه ... وعشق حيدر مذهبه ... ونفس للموت راغبه ... يم حامي الجار
ــــــــــــــــــــــــــــــــــــــــــــــــــ ـ
ابوتكتم الخير
قاسم طاهر القاسمي
11/ رمضان / 1433