[درر علي]

أُمي شــﮕـــد حنينه بكبر الاحزان
تلـــــــــــم همومنه بلفــت عبايتها ..
وأمي شـﮕـد عفيفه وتستحي حيل
تظم عـــوز الوكـت بطراف شيلتها ..
أمي بنص حـﭽـيها جبـــــال الهموم
... ولا يـوم شتكـت بس تجري دمعتها ..
وبحــجت تلـــــولي تفـــرغ الهموم
وتشكـــي بالنعاوي همــوم عازتها ..
واذا مـــــرانه ظيــم وسمعته شلون
تنشغ والدمع يترس مخـــــــــدتهـا ..
ولامره شتكت لوﮔـــــــــــالت احـاه
تظــــــم همـومها وتشهـد وسادتها