[ابو ياسر الكعبي]

إفَتر يادولاب الدنيا ..مگلوبي إفتَر يادولاب

إرحِيَّك ياماطحنت بينه .. ومن تتعب ينهشنه الناب

خل كل انيابك تنهشنه .. وضدنه الدنيا إتشيل إحراب

فُقره ونملك بس عزّتنه .. مانخضع ونصير أذناب

فُقره وموعيب الماعنده.. ضكنه العوز وعِزنه إنصاب

إبفد مضغه اويا الفُگْر إرضعنه .. رافگناه وصرنه أصحاب

لايگدر هُوّه يفارگنه.. ولانگدر نصبر لوغاب

مو عيب إنحير ابخبزتنه .. وبعزَّتنه إنْرَگع اثياب

العيب إنبيع العزَّه ونخضع.. ونتسكّع من باب الباب

العيب إمْننمص دم إخوتنه .. كل همنه إنرضّي الأجناب

فُقره ونعبد بس رب واحد .. مَخْتِلْفت عدنه الأرباب

لوگطْعونه ولو وذرونه ..وحرگونه وذرّونه إتراب

نهتف بس حسين اليبقى .. وفلتسقط كل الأحزاب

الكعبي