بسم الله الرحمن الرحيم
اللهم صل على محمد وآل محمد وعجل فرجهم
خالفوه إو مارعوها
ــــــــــــــــــــــــــــــــــــــــــــــــــ ـــــــ
بضعة الهادي ولوها === خالفوه إو ما رعوها
من بعد عينه الرسول === ظلّت إبحســــره البتول
خالفـــوه إو ما رعـــوها
ــــــــــــــــــــــــــــــــــــــــــــــ
إدرك الزهره يحيدر == حبست إبلوعه الونين
ما تريد الصوت يوصل == تدري ياذيك الحنين
تدري ما تصبر على الشر == تنهي كُل واحد لعين
تنهي كُل مجرم إجاها == يدفع الباب الحزين
يدفع الباب العليها == بصمة الهادي نبيها
فاطمه بيها الأمل == والوحي منها دخل
يكصد الهادي أبوها === خالفـــوه إو ما رعـــوها
ـــــ
مارعوا حقّه نبيهم == من طلب منهم يشير
طاعة العتره الشريفه == واجب عليهم تصير
وإبتدوا بالوالي حيدر == من نسوا غاب الضمير
رادوا البيعه البغيضه == والولي إبروحه السعير
يذكر الهادي إو وصيته == والتمنّاها منيته
يوم بيعتهم تِحِل == عن حقدهم يرتحل
شاف زهرتنه الأجوها === خالفـــوه إو ما رعـــوها
ـــــ
أدْرَك الليله العظيمه == مَنْ عُرف سر البتول
بضعتي الزهره الكريمه == هادي الناس اليكول
تشفعلكم هالعليمه == بالحشر يوم المثول
لا تِظِلموها هضيمه == كُل عمل عدكم يزول
واليأذيها الزجيه == يورد النار السريه
يغضب إلها المُقتدر === لو قلبها ينكسر
من بعد عينه نسوها === خالفـــوه إو ما رعـــوها
ـــــ
نار شبّت من حقدهم == روّعوا أهل الكساء
دفعوا الباب إبظلمهم == وأغضبوا حتّى السماء
وإنعُصر صدر الهدايه == وإنوسم بازكى دماء
بالصدر مسمار يبكي == من فعل أهل البغاء
وإنكسر ضلعه محمد == للسمه الحسرات تصعد
من كسر ذاك الضلع == ظل ألمها ينسمع
زهرة الهادي الرموها === خالفـــوه إو ما رعـــوها
ــــــ
ظلّت إبحسرتها زينب == من مُصاب أمّ الحسن
شافت الآلام تنزل == سيل وإتهد البدن
شافت أنواع المُصايب == من غِدَر بُمْها الزمن
تنظُر الأمها عليله == أثّرت بيها المحن
تنظر الكرار حيدر == دمّه يجري إدموم أحمر
تنظر إحسين إو حسن == والدمع يجري مِزَن
تنظر أمها الماوفوها === خالفـــوه إو ما رعـــوها
ــــــ
من مضت عنها الزجيه == خيّم إعليها الضباب
زينب الحُرّه النقيه == شاهدت ذاك المصاب
شاهدت حامي الحميه == يحمل الزهره المهاب
فارقتها إو هاي هيّه == صارت الشوفه سراب
ما بعد تنظر لأمها == ظلّت إبهمها إو ألمها
وإبتده فيض الحزن == ظلّت إبحسره إو تُون
وإبفكد أمها عموها === خالفـــوه إو ما رعـــوها
ــــــــــــــــــــــــــــــــــــــــــــــــــ ـــــــــــــــــــــــــــــــــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dldray30453.mp3.htm