[كريم السعبري]

صوره افكاري انسجتهه من الخيال
شفت بيت الله اعتناك وزارك
طاف بالحضره وتقدم يم حبيب
ولن حبيب مسجله منزوارك
انته قبله وهو قبله ليش اجيت
يم ابو السجاد ارد اتبارك
بيه بخت وجيت ازورك ياحسين
لكيته الفردوس كلهه بدارك
جنت الفردوس يمك ياحسين
وادري بيه منورة من انوارك
لجل نصر الدين للطف اعتنيت
وبارضهه ازرعت انته اسرارك
جم ضحيه انطيتهه ارض الحتوف
فديت نفسك واهلك وانصارك
بعد كل هذا وتكلي ليش اجيت
وبعد كل هذا شنو اعذارك
مقصر اني وما اجيتك من زمان
وما اجيت وصرت من ثوارك
كون من ذاك الوكت اعلن نفير
ومن بني سفيان اخذ ثارك