[احمد الدفاعي]

لي الشرف ان اكون اول من مر من هنا

قصيدة منبرية ( مولود ) بحقه عجل الله فرجه الشريف هدية للاخوة الرواديد خدام الحسين عليه السلام

فرحانة الليله المهجه
مولوده اليوم الحجه
يارب نضل بنهجه
ونحارب كلمن عادانه
ميلاد القائم هاليله
يله المولود نسويله
العشره شموع نخليله
والزهره بعيدك فرحانه
بميلادك جدك فرحان
طه المختار العدنان
وحيدر حماي الجيران
يحضر مولودك ويانه
والرايد حيدر يحضر
كون بأخلاقه تاثر
دوم يحارب اهل الشر
وتعرفه الناس باحسانه
واليفرح بيكم كلبه
ويرضي معبوده وربه
ويعاهد يبقه بحبه
بالخير يثكل ميزانه
يمته نشوفك يالموعد
تحضر ويانه المولود
ندعيلك الله المعبود
يافرحتنه ويارجوانه
ياربي يمته نشوفه
وتنور بجيته الكوفه
وتطافح خير جفوفه
ويفرح كلب الحزنانه
يارب تعجل امره
ياخذ ثارات الزهره
ثارات الطف تنتضره
ثارات حسين الريحانه


احمد الدفاعي
نسالكم الدعاء