[بغداديه]

السلام عليكم و رحمة الله و بركاته
الساعه الان 1 و 20 دقيقه صباحا بتوقيت السويد
يومي كان عادي و ممل
من التعب و الصداع مرحت للشغل و بهذه الفتره حاولت ادرس اشوي لاني بالبيت
بس للاسف رغم كل المحاولات اكثر من اسطر مقريت شي
و السبب قبل يومين صار قدامي حادث سير مرعب جدا جدا جدا
الحمدلله انا متأذيت بس كانت صدمه نفسيه
امس حاولت اسيطر على اعصابي و افكاري و نجحت اشوي
بس اليوم كل لحظه اتخيل الحادث و اشلون طلعوا البنت من السياره و حالتها الي كانت تبكي
و افكر ياترى اشلون صحتها ؟ كم كسر عدها و الخ

اليوم اقول لنفسي يجوز الامر عادي و يكون انسى
و ارجع ارد على نفسي و اقول بس مو لشخص اول مره بحياته يشوف حادث سير من بعد متر او مترين
.
.
.

ان شالله البنت تكون بصحه جيده
و ربي يحفظكم وين ما كنتوا
تحياتي