[نور المستوحشين]

بعد السلام والتحية والاكرام ...

أولا أحب أشكر الأخ عاشق الأكرف لدعوتي للموضوع وأعتذر عن التأخير لإنشغالي بترتيبات مدرسة أنا شيعي والله المستعان

الموضوع بصراحة أنا أشوفه من ناحيتين ناحية إيجابية وناحية سلبية

يعني عندنا نموذج امرأة في ال 50 فما فوق تلقوها لابسة لبس مرتب ومهتمة بنفسها مثلها مثل بنت الـ 20 ولكن بحدود العقل ومحترمة سنها وعندنا ناس يشوفوها متصابية واللي تقول خلاص تاخذ عمرها وعمر غيرها

خو انا مااشوفها متشببة مثلما نقول في منطقتنا هي مهتمة بنفسها الشي مو عيب ولا حرام

يعني مثلا أنا أمي في الـ 40 تقول صرت جدة خلاص مالبس هالشكل او مايناسبني اوك في امور حنا مستحيل ناخذها لش وماتناسبش وطبعا دائما عيار اذا صارت عندنا مناسبة اماه شفتي فلانة قالت اني جدة اكي دبل عمرش وساعات تقول لا بعدني صغيرة خل البس ..

أو عندنا نموذج ثاني فلانة عمرها صغير بس حجمها أو هيئتها أو ملامحها تعطيها عمر أكبر
خو الناس ماتعرف عمرها بس من شكلها يقولو شوفو هديك لابسة شي مايناسبها بعد تحرم نفسها عشان ترضي الناس اللي عمرهم ماراح يرضو


وأما عن الفقرة الثانية من الموضوع انه في ناس ويمكن انا اشوفهم قلة بمحيطنا أو خل اقول بمحيطي اني يعني ماشفت منهم كثير

امرأة فوق ال 50 ومتشببة ومو مصدقة عمرها تمشي وبكل ثقة رغم اني ضد شكلها الخارجي ولكن مع الثقة اللي عندها مع انه اللبس اللي لابسته ابد مايناسبها

وفي نموذج ثاني كبيرة في العمر بس ملامحها صغيرة او هيئتها تعطيها عمر اصغر بكثير وتلبس لبس مايناسبها

يمكن للي مايعرفها يعبر عادي بس اللي يعرفها احسه محرج

أذكر في حفلة خطوبة بنت خالي شفت وحدة من أهل المعرس لبسها يمكن غريب شوي بس يمشي الحال وشفت امي تسلم عليها وتتكلم اياها وووو سألت عنها قالت لي هذي فلانة أم فلان هنا علامات التعجب عبت المكان يمكن لو ماعرفتها عادي مرة وبس بس فلانة وام فلان ليش تخلي نفسها مسخرة وتلبس هاللبس



وأعتذر عن الإطالة وإختلاف الرأي لايفسد للود قضية

ووجهة نظي في كل الموضوعات إنه يتوجب علينا النظر للجوهر قبل مانحكم على اي شخص من الظاهر


تحياااتي نور...