|
|
عضو برونزي
|
|
رقم العضوية : 628
|
|
الإنتساب : Nov 2006
|
|
المشاركات : 758
|
|
بمعدل : 0.12 يوميا
|
|
|
|
|
|
المنتدى :
المنتدى الثقافي
%%%%% (((( ردي --- ردي )))) %%%%%
بتاريخ : 10-04-2007 الساعة : 04:32 AM
بسم الله الرحمن الرحيم اللهمّ صلِّ على محمد وآل سيدنا محمد
السلام عليكم ورحمة الله وبركاته
ردّي .. ردّي
ياضعن شت عن هلة ، اوحدّاي
غربة .. البيه يحدي
ردّي .. ينباع العشك .. والياكَلب
تهوين صدّي
لا تهيجين الجروح .. اجروحي من تنلجم
... تدّي
وانة من دم اولحم .. مو من صخر
جبدة العندي
ردّي .. مليت الصبر .. وامكَاطر
الدمعة .. اعلّة خدي
وانة .. خلاني الوكت .. ناعور
بس اترس .. وابدي
جورت ليل الصبر . واعجزت منه ..
واهذا حدّي
بلجي من يغفة الجفن .. ما جلمة
التنكَال ، بعدي
انة موش اول زند .. يشتل
شلب .. ويحصد بردي
اولانة بس اتغربت والمعتنيلة ..
ايصير ضدي
ردي .. ردي
مالي حيل امعاتبج .. وانه العليج
اديت جهدي
غلّست .. عن الكَلت والكَال ..
كَمت اسمع .. واعدي ..
او صابرت صبر الطفل .. شربي الطفل
والحزن مهدي
واحملت ليل العطش .. وانه العيون
السود .. وردي
اوساهرت .. طول البعد لمّن
عشكَت اليال .. سهدي
والله جا مل او جزع .. لو قصتي ..
اعلة ايوب تسدي
ردي ..وانة .. موطبعي العتب
عالما حلاله .. ايصون عهدي
يا رخص ذاك الجدم . كون اعله ياهو
الجان .. يبدي
او يامناحه ذلتي .. اوليل الكَضيتة
ادموع وحدي
وانه .. من دم .. اولحم .. مومن
صخر جبدة العندي
انه خلاني الوكت
ناعور
بس .. اترس وابدي
عريان السيد خلف/بغداد1967
| |
|
|
|
|
|