[خادم_الأئمة]

ها قد اتى الليث الحيدري

اقتباس : المشاركة الأصلية كتبت بواسطة نور المستوحشين [ مشاهدة المشاركة ]

نو كومنت حجي بو فطوم ومثل ماقلت من البارح موضوع فاشل من كاريكاتيره خخخخخخخخخخ والدليل انه الردود مادري كم وصلت قرأت الردود وبعضها ماعجبني يعني مومنطقي شنو اقبل بزواج متقطع او ماشابه الفكرة مرفوضة بتاتا طالما ماكان فيه سبب مقنع للزواج بثانية يعني بالمختصر طالما انا مو مقصرة بشي ولا عندي مرض معين او اعاقة معينة والزواج الثاني كذا بس مع السلامة الله وياك ويبارك لك الشيخ اللي بيعقد لكم يطلقني لكن اذا انا عندي شي معين مقصرة بشي معين تفضل الله يسعدك والله يصبر قلب المبتلي والله يساعد اللي في بالي على مابلاهم ربهم ولا شرايها ام محمد؟؟؟

ههههههه

ماكو يما
الله يساعدهم ان شاء الله هههههه

اقتباس : المشاركة الأصلية كتبت بواسطة ** مسلمة سنية ** [ مشاهدة المشاركة ]

يا شديد يا أوي آه و الله حبيبتي أم زهور ... ألبي بيتأطّع عاللي في بالي و بالك ... بس الله يكون بعونها مسكينة ... شو بدها تعمل ... قضاء و قدر

ههههههههههه
محظوظة اصلا الي ببالج :p

اقتباس : المشاركة الأصلية كتبت بواسطة شيعيه ابا عن جد [ مشاهدة المشاركة ]

السلام عليكم خخخخخ اصبح الموضوع حديث الموسم وفلاان متشجع حاطه بتوقيعهـ شكلك تبي اتسويها انا منه عرفت انا بالعاده لمن احد يتكلم عن هالموضوع اتنررررفز بشكل مو طبيعي بس انا ضد التعدد بالزوحآآآآت اذا الوحده مو ناقصه شي الحمد لله وكل شي اللي يبيه فيها لا ويسوي المستحيل عشان ياخذها بعدين ياخذ وحده ثانيه لو جع الراس والمشاكل ولو لو لو لو لو حصل هالشي وزوجي الله يخليه لي بيسويها اول شي يطلقني وانا مستعده اتركه لها عليها بالف عافيه من عافنا عفناهـ لو كان غالي واشوف بعدين شبيسوي بدوني احــــــم شكرا لكم اخي خادم الائمه ع الموضوع المنرفز

عليكم السلام مشرفتنا
الرد سيكون مفحم عليكم يا بنات حواء ههههه

اذا مو ناقصة ميخالف لكن فيه شي يمنع :rolleyes:

اقتباس : المشاركة الأصلية كتبت بواسطة مريم محمد [ مشاهدة المشاركة ]

>> مسلمه سنيه << والله ما أشوف فيهم حلاة هالرجال ياللي كل وحدة بتذبح حالها بس يتزوج عليها طيب وتزوج خير إن شاء الله وش صار أنا المهم عندي أنه حياتي تمشي طبيعيه مستقرة والعدل عندي مهم >> ما أتكلم العدل عن العاطفه هو طبعا حر والشي راجع له وبعدين هو تزوج ما مات بيني وبينك وش تبين فيه كل يوم عال قلبك على هذا عدل وهذا مو ظابط يابوووووووووي طفش والله خليه مبروك عليه كلللللللللوووووش ولا شرايك خادم بو حرمتين هع سلام

لووووول
اشاعات مغرضة الحجية مريم

عدددددل هذا الراي السليم ليت بنات حواء يكونوا روحهم رياضية مثل حجية مريم خخخخخ

اقتباس : المشاركة الأصلية كتبت بواسطة فلاان [ مشاهدة المشاركة ]

ههه|ـ اللي متزوج ثنتين الله يهنيهـ وبما انه اكمل دينه كله عقبال ما يخليه دبل لأن بالزواج من 4 مافيه مجال للرجال يلف ويدور وين ما يلف بيلقى زوجهـ قدامهـ وحي الله اهل الاحساء الطيبين فيه بعض العوايل مثل ما اسمع الي ما يتزوج من ثنتين وطالع ( مو رجااااال ) والحساويات طيبات الله يرسل شوي من هالطيبة على قلوب القطيفيات مو له نور يعني الحساوية .. الأحسائية عفوا حتى يتناسب مع موضوع النقاش ونتكلم بالمنطق والفصحى ايه الاحسائية تح في بالها دام بتتزوج بيكون فوقها وحدة فمسلمة للأمر الواقع والي تطلب الطلاق من زوجها هذي تعارض شرع الله زميلة لأختي احسائية انخطبت والحمد للهـ .. تقول راحت المدينة سبوع رجعت إلا زوجها خاطب وحدة ثانية آمنت بالله وبالقضاء والقدر قصة اخرى من الاحساء الحبيبة .. احدهم يدرس في الطب واحب ان يكمل نصف دينهـ بعد اشهر شاف اي عنده وقارنها بالموجودات بالمستشفى الي شعرها احمر وعواين خضر ومادري شنو وقال اكمل النصف الثاني وخذ ثانية حبيبي خادم يبغى لي امنع النت عن المدام حتى لا . يصير الي يصير

فلان قول النت عطلان هالاسبوع خخخخخخ
احسنت

بس قضيتينك مهمين

اقتباس : المشاركة الأصلية كتبت بواسطة مريم محمد [ مشاهدة المشاركة ]

بداية أشكر الأخ خادم على الطرح الجميل صحيح مثل ماذكرت أحدى العضوات أنه موضوع مكرر لكنه بطرحك جديد ومفيد والأهم فكاهي ! وثانيا بشكر فلاان ياللي عن طريق توقيعه وصلت للموضوع طبعا ردي كله شكر لأن رأيي سوف يغيظ بنات حواء >>> بس والله بقول أنا من الأحساء الحبيبه وكثير من رجالنا يتزوج الـــ2 والـــ 3 والـــ 4 لكنها تبقى الجريمة التي لاتغتفر بس وقت الجد ياحرام مجبورة البنت ترجع لبيتها لعيون الأولاد . المهم ماعلينا عن نفسي : أأيد الزواج ال 2 و 3 و4 لأني أحب الحرية وأطمح أنوو أكمل الدراسة وأتوضف وبنفس الوقت يكون عندي أسرة . ومافي إلا هالطريقة عشان يكون عندي وقت لطموحي وممارسة هوايتي وإستقلاليتي اللحين أنا توني بعمر الورود عمري اللحين 18 وأنا أدرس الثانوية ولسة صبيه بس ماعليك خادم راسمه عالزوجه الثانيه حتى قبل ما أتزوج . لي عودة إن شاء الله تحياتي لك وسلامي

الحمد لله ظهر الحق
يعني حتى بالاحساء الظاهرة عادية عيل ليش يتميلحون الحريم :mad::p

اقتباس : المشاركة الأصلية كتبت بواسطة *علي الأكبر* [ مشاهدة المشاركة ]

ميرزا الله !!! على قولتهم شمسوي لك فلاان دعاية بكبرها طيب تقول هل انت مع او ضد التعداد انت هل مع التعداد ؟!؟! يعني هل يجي اليوم اللي بتكسر خاطر ام فاطمة و تتزوج عليها و اهي كاوية لك ثيابك و مسويه المجبوس لك و الخ!!! طبعا لا يعني اذا كانت المرة مو مقصرة فما لك عذر يا باباتي تعرس عليها و لا شتقول؟! ناحية ثانية بصراحة أكثر في رجاجيل عيونهم زايغة >>> يعني في الشارع تروح يمين و يسار وحده ما توقف عيونه عن التلفلف مرة و مرتين في وجه الموظفات فشنو يصير ! يروح ياخذ له وحده ثانية! زين هل هو مقتدر ماديا؟! بو الشباب وراه ديووون ترس تقول متسلف فلوس اهل الديرة كلها و مع ذلك يبي يعرس !! فهنا يجي الزواج المؤقت كحل منه توفر قروشك :d و منه تحفظ كرامة زوجتك اللي تسوي لك المجبوس و لا تصير حديث المجالس مثل ما قالو لك اللي قبل يا بو فاطمة >>> و الله توني راد من الدوام و ما تغديت فعشان جذي كل كلامي عن الاكل لووول طيب يمكن الرجال مقتدر ماديا و يبي يعرس مو من باب انه ما يبي يروح للحرام لانه اللي ما يبي يروح للحرام فهذا كلام ثاني يبي بس يرتز بالحريم يصير ابو شهاب العايلة فهل هو رح يرتاح نفسيا؟! و الله كان بيرتاح فهو مثل ما قلت رح يكسب اجر لكن لو جات لك ثنتين صايرة وحده اسرائيل و الثانية نقول فلسطين - لانه للحريم كيد مو الكل البعض و يغلب عليهم ذلك >>> ما نزعل الحريم لووول فشنو الراحة اللي ياخذها؟! لكن مع هذا على جانب سيء على مستوى حياة الزوج لكن له إيجابيات كثرة >>> رحت فيها من الحريم اللي في الموضوع 1- ما يروح للحرام 2- مثل ما قال الاخ الفاضل ميرزا محمد انه تقل العنوسة 3- كثرة النسل لكن اللي ما رح يربي الله لا يهينه يخلي المسلمين اقلية العالم ما نبيه يجيب علل على قلب المجتمع 4- يمكن الزوج نفسه يبي عيال و زوجته الغالية على قبله ما تجيب فشنو يسوي م يبي يفرط في الحب الأولي على قولة الميرزا و يجيب وحده تجيب له حسن و حسين و فطوم و علاوي يعني تصير باك اب >> بديلة >>> لكن للامانة في حريم ازواجهم ما يجيبون عيال و يبقون عشان انهم يحبونهم و ينحرمون من العيال وين وصلنا ؟!!؟ خل اشوف اي رقم!؟ اي 5- يمكن البعض يتزوج ارضاء لأمه مثلا و الله يا ولدي تحط وحده على راسها عشان ينكسر باسها شوي او تطلقها >>> سالفة طويلة فيحتفظ فيها بس يتزوج و الغالب الثانية تكون مظلومة في هالنوع فيكون حافظ على رضا امه طبعا و الضحية الزوجة 6- تكون معاونة مادية عاد هذي الميرزا وده فيها ههههههههههه يتزوج وحده مثل حكيمة و ام فطوم تكون مثل لولوة هههههههههههههههه في هذي يكون كسبت شيئين ههههههههههه كسبت مصدر مادي و كسبت اجر انك بردت قلبها انك تزوجتها هههههههههههه >|>>> ازعجت الناس بضحكي خلق الله نايمة و انا اضحك بقوة من تخيل الموضوع لووول اكمل هذرتي ادري خذت مساحة كبيرة >>> توك تدري شيخ علي؟! يمكن يكون بو الشباب عنده عيال بس مو مرتاح مع الزوجة الاولى نفسيا فيلقى الراحة مع الثانية و هذا له الحق فيه و تنتهي القصة و الله يستر كان ما تحط فوق راس ام فاطمة وحده و تخليها تمضي لياليها ببكاء و عويل لكن في النهاية لا اوافق لانه في زمنا يغلب سوء النهاية على حسنها يعني بيتزوج و بيعل قبله و يبقى الحب للحب الأولي المرة الاولى مثل ما قلت و شكووورا يا فلاان مسوي كومرشال حق الميرزا >>> خلصنا هذرت وايد و بالقطيفي هدرت هدرة

ههههههههههههههههههههه
بوحسين على قولة العراقيين ولك هواية خطير ههههههههههه


أولا : لا ماتهون علي ام فطومك
ثانيا : امبلة اذا عندج مثل " حكوكة " خير وبركه

اقتباس : المشاركة الأصلية كتبت بواسطة *علي الأكبر* [ مشاهدة المشاركة ]

نقطة اخيرة انك تفرح قلب احدهم مو عذر كافي للزواج بالثانية لانه فيه كسر لقلوب ثانية مو مقصرة في حقك و تضييق عليك انت و اذا كان هذا مقياس للبعض و يلا هذي موجودة و منو يفرح قلبها على قولة الميرزا عذرا بس بغيت افلفل الموضوع

يحلييييييييييييلها!

ابيها
وراس ايهود باراك يا بوحسين!

اقتباس : المشاركة الأصلية كتبت بواسطة عيمي كويتي [ مشاهدة المشاركة ]

صاير هجوم على البنات هل ايام مادري شسالفة انا رايي على الاقل الرجال يجب عليه ان يتزوج على الاقل حرمتين يعني معقولة بيقعد 40 سنة يجابل نفس الحرمه هههههههه شي اكيد راح يمل اذا تزوج ثنتين فيه الكثير من الفوائد منها تغير الجو كثرة النسل عيش بسعادة بس العيب الوحيد معاش الرجال راح يتبخر من اول ما ينزل موضوع حلو للنقاش انشوف راي الاخوان و الخوات الشكر لك ميرزا على الموضوع المبدع

حجي عيمي ...
ولك يابه انته خطيييير !

شوفوا التفكير السليم

روحه رياضية العيمي :p


يتبع يتبع لتفنيد آراء الاضداد