|
موضة العباية المفتوحة والساق طالع... ))
http://www.mayyar.com/album/data/media/22/user2kr5.gif قبل كم من سنة كانت موضة العباية المخصره والمطرزه وماشاءالله ماتخلي لون الا وتحطه وكان المجتمع ينتقد هذه الموضه ويستنكرها بحكم انها ماتناسب لا دين ولاعادات والحين انتشرت ظاهرة غريبة تلبس برمودا ولاتنورة قصيرة وياليت تسكر العباية الا لازم تطلع ساقها اتمنى اعرف وش هدفها من هالشي وبعد تمشي بكل ثقة واللي يقهر لو احد طالع فيها بنظرة استغراب تطالع فيه بنظرة احتقار وكأنك غلطان عليها بالنظرة والمشكله بعد اذا تعرض لها احد الشباب قامت تسبه انت قليل ادب انت مو متربي .... الخ .. طيب اذا اهو قليل ادب انتي وش تطلعين ؟؟ انتي كلك على بعضك قلة ادب وحياء والشي الثاني اللي استغرب منه .. وشلون هالبنات يطلعون من بيوتهم بهالشكل ؟؟ الاهل وينهم ؟؟ مايشوفون بناتهم ؟ مايشوفون وش لابسين ؟؟ اوكي خل الاهل على جنب ؟؟ البنات وشلون يرضون على نفسهم ؟؟ نسوا العادات والتقاليد ؟ نسوا انه عيب ؟؟ وين الوازع الديني ؟ وين الخوف من الله ؟ كل هالاشيا صارت عاديه بالنسبه لهم ؟؟؟ عموما ماراح اطول عليكم .. بس حبيت نتناقش في هالمووضوع واعرف رايكم فيه . http://www.mayyar.com/album/data/media/22/user21pe9.gif |
تسلمين على هذا الموضوع انه يستحق النقاش وانا اقول لك السبب لان المرأة بطبيعتها تميل الى التبرج واظهار مفاتنها فهي تريد ان ترى الناس زينتها المخفية عنهم وبالذات اذا لم تجد من يردعها عن ذلك فالمسؤولية الكبرى تقع على الاب والام والاخوان اما الشباب فلاذنب لهم لان النساء هي التي تحرك الغرائز عندهم بهذا اللبس الشيطاني وبهذه الموضات الغربية المثيرة
|
والله حبيبتي مل ابنية ع تربية اهلها وين مسار تربية اهلها هي وراهم شنو انكول وش انخلي لو نقعد نحجي من احين لباجر يدخل من الاذون و يطلع من الجهه الثانية تسلمين اختي الغالية |
اللهم صل وسلم على محمد وال محمد وعجل فرجهم الشريف واهلك اعدائهم من الاولين والاخرين تسلمي اختي فاطمة المصطفى على الطرح القديم الجديد ,, لقد اعتدنا يااخوان على هذه الصفعات المسمى بالموضات ,, فيوم بعد يوم نرى هذه التقليعات الهدامة والمدسوسة بقصد القضاء على ستر المراة المسلمة وهيبتها ,, فعرض هذه الصفعات او المسمى بالعباءات في اسواقنا ليست من وليد الصدف وانما لشيء ثاني وهو غزو افكار بناتنا بالثقافات الغربية الهدامة .. وبعدهم عن العفة والشرف التي كانوا يتحلون بها من دون باقي الشعوب الغربية خاصة بقصد التجديد ,, وعلينا ان نفهم هذا الشيء كمؤمنات وان نلتزم بالعباءة الزينبية المحتشمة ونقاوم هذه الاغراءات ونحاول ان نامر بالمعروف وننهي عن المنكر في اوساطنا بين صديقاتنا واخواتنا وان نكون لهم قدوه ,,ولا ننسى دور الاسرة في توعية الشابات لهذة الامور ,, أسأل الله الهداية لنا ولبنات وشباب المسلمين أسأل الله أن يبصرنا بأمور ديننا اللهم آمين جزاكم الله كل خيرا تقبلوا مروري وتحياااتي |
|
مرة كنا قاعدين ع الكورنيش ويانا اخواني ...
كل شوي جو ثلاث بنات ومرفعين العباية ومرفعين البنطلونات او لابسين برمودا ماادري ....... قهروني .... موبس كده ...يركضوا بعد ,رايحين جايين يعني بيروحوا الحمامات !! وهم ياناس طالعوا فينا ...لسان حالهم يقول الله يهديهم ........ المشكلة نفسها ماتغيرت وهي ان البنت هذي تقول : طالعوا فيني ...تبغى تلفت الانتباه ..بأي شكل ...وهذي مشكلة انها مهزوزة في علاقتها بربها ,,وبأسرتها وبالناس ...... بربها : لان مااحترمت الدين وااحكامه ...وماخافت ... بأسرتها : لان ماحد يعلمها الحلال من الحرام او انها اذا علموها مااحترمتهم ولااحترمت تربيتهم ... بقول شئ : ترى ناس لما تكبر وتتثقف وتحصل شهادات تفكر نفسها صارت ابو العرّيف ..يعني ماحد قدهم في الفهم فيصيروا حتى الاحكام الشرعية يفتوا فيها ,,يحللوا ويحرموا ويتشددوا ويفرطوا على كيفهم الله يستر علينا وعليكم ويحفظ المؤمنات من الغفلة ... والاغترار بالدنيا .... الدنيا غرارة ... تحياتي لك اختي |
كل واحد حر بنفسه
والله الي بحاسبها مش الناس ولازم الانسان بعد يشوف روحه قبل لايشوف غيره وشكرا |
اقتباس:
اتمنى ما تكونين احدى ثلاث البنات التي ذكرتهم الاخت بنت علي (عاشقة نصر الله ):) يعني شنهو حر بنفسة ؟؟؟ وين عايشين !!!!! |
تعليقي على هالمووضع الرائع
بسيط جدا وهوو مقولة نقولهاا(كل واحد عقله براسه يعرف خلاص) اعتقد انهم عندهم عقل لما يقدمون على هالتصرفات وعندهم اهل يعني بالعربي وين رقابتهم عليهم؟؟؟ |
شكرا عالموووضوع الرائع
الله يستر علينا وعلى بنات المسلمين ويهدينااا ويااهم |
| الشبكة: أحد مواقع المجموعة الشيعية للإعلام الساعة الآن: 08:04 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025