|
الزهره نورت شع نور الاكوان
الزهره نورت شع نور الاكوان ---------- بمناسبة مولد الزهراء عليها وعلى ابيها وبعلها وبنيها ازكى الصلاة واتم التسليم لسنة 1430 هجرية -------- الزهره نورت شع نور الاكوان وهتف جبريل للمصطفى عالي الشأن انولدت يا نبي الله سيدةالنسوان انسيه ام ابوها وهيه حوريه انولدت فاطمة للشيعة البشارة زهى كون الاله وشعت انواره انوار اشرقت شعت بكل الكون وكل شيعي يحبها واضح المضمون الزهره بالحشر توقف تنادي يا شيعة حسين القبلي ايطبون يطبون بسعاده وفوز بالجنة وتنعاد الجفوف لزند كافلنه وبدل دمه القاسم حنه يتحنه وطفل حسين طير وبالجنان يدور يدور ويسقي كل شيعي بمنقاره يغرف الماي من حوض الجليل اطاه لمختاره وتتعجب الوادم وينها الاصحاب ويبين الشيعي والحجي الينعاب وتنساق الزلم ممصوخه جنها جلاب جلاب المارعت للمصطفى حرمه وكلمن بالقيامة مطوق بجرمه وهاي اكبر جريمه شافها التاريخ لا بالارض حصلت لا على المريخ كسر ضلع الزجيه وحرقوه الباب الحرق باب الوصي ومهبط وحي جبريل شكثر بيه حيل يتحمل صقر ويشيل يشيل ذنوب كون الحرف التأويل كل مسلم مغرر بيه هذا برقبته ذنبه يتعذب اكيد وبيده يعذبه بس تفرح الشيعة والها ثمن ابواب رضوان اليرحب يمه داحي الباب مبتهجه الوجوه ولونه نضره نضره من السعاده انولدت الزهره الزهره ام ابوها وامها للعتره عترتها اثنعش معصوم ومصفى وعن شيعة علي بالحشر ما اقضى ما اقضى بعد عد جوائز خوذ كل شيعي يطب يشفع لليعرفه وعلى شرط الولاية اتصير هالزفه والتابع عمر بيه ضيع العرفه جا عصرت الزهره ما اجت صدفه الله للزجيه بالعدل ياخذ ياخذ ثارها والثار اله جم باب الباب اللي عصرها والتدفعه جلاب وباب البيه النار بغيبة الغياب وباب ابوالمراجل مجتف من الباب وباب الحسن جبده من السموم انذاب وباب حسين مذبوح مثلث صابه النشاب وباب جفوف عباس التريد اعتاب وباب الاكبر موذر والجرح ماطاب وباب القاسم العريس والدم بالجفوف خضاب وباب مجتف السجاد ويدخل للرجس من باب وباب اللي مصيبه وما عليها اجبار سبي خدر الهواشم غير هذا الباب وحتى بالفرح يا زهره من نفرح ثقل ذاك المصاب بوجه الفرح سد الباب خادم خ دمة الحسين ابو تركي البدري 1/6/2009 |
اللهم صل على محمد وال محمد وعجل فرجهم والعن عدوهم
سيدي الكريم احسنتم على تلك الاطلالة وارجو من سماحة شخصكم الاقدس وضع نسخة منها فى موضوعى ( الطريق الى فاطمة ع ) دمتم فى بركة الولاية الحيدرية خادمك الصغير ولدكم ايهم |
عمي واستاذي البدري ... قصيدة رائعة بمعنى الكلمة حشرك الله مع الزهراء وابيها وبعلها وبنيها انه سميع مجيب خادمك الصغير وجدي الجاف |
عمي العزيز لك مني أجمل تحية وسلام أجرك على الزهراء البتول عليها السلام بهذهِ الأبيات الولائية الحيدرية الزهرائية جعلها الله في ميزان حسناتك ولاحرمك الله شفاعتها أبن أخيك حيدر الناصري |
اقتباس:
اللهم صل على محمد وآل محمد مرتضى العالمي العاملي حلوووووووووووووووووه بس ميهمك خبز لو كبّر الصمون المهم ترضي الزجيه بيوم فرحتها لاتمدح الحجي وربعك يشوفون امدح فاطمة المنشوره قصتها كتابتك البلسم والجروح اتهون مثل زفة المعرس تجي زفتها احنا ناطرين الهدف والمضمون وخل هاي السوالف ماهي حزتها اكتب يا موالي بنت سيد الكون لاجلها الكون كله مهر دخلتها تقبل تحياتي حتى اقبل مرورك |
اقتباس:
حبيبي الرائع وجدي الجاف اسعدني مرورك والله عمي ببركة الزهراء لم يكن كتابتها اكثر من ربع ساعة رغم ما بها من اخلالات شعريه الا ان الزهراء هي تحليها آآآآآآآآآآآآآآآآآه ما احلى الزهراء |
اقتباس:
يو فرحته يحلى الهزل وانا من اكتب اريدك تعرف القصد واني بديت باول قصيدي للزهره ام الحسن وانت ترعفني مايرادلي علم وانا اسف ان ردي ما اجه بمكانه واعتذر |
اقتباس:
انته ليش ما دققت بالابيات صحيح بيها بعض الدعابه لكن وصفت كتابتك هي علاجنا محتاجين نشرب من حوض شعر العاملي معنى هذا جبير ترى هاي مردوده على العزاز فرحت الزهره عدنا تصير هوسه واحد يحجي على واحد ونتظارب حتى بالرقي والطماط وتعليقات محد يزعل بسيطه خيوه امسحها بوجهي |
لا اعرف السبب رغم اني نظمتها الا انني قرأتها لا يقل عن ثلاثين مره جمعت بين الفرح والحزن وكانت تغلب عليها الاحزان سبحان الله اليس حياة مولاتي كذلك فرحت قليل وحزنت كثير حتى بني لها بيت الاحزان السلام على المكسور ضلها المظلومة الشهيدة |
سلمك الله عمنا غالي وبارك الله فيك حشرنا الله واياكم مع الزهراء البتول تقبل مروري |
| الشبكة: أحد مواقع المجموعة الشيعية للإعلام الساعة الآن: 09:02 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025