|
حرق صفر !!
بسم الله الرحمن الرحيم اللهم صل على محمد وآلِ محمد وعجل فرجهم السلام عليكم ورحمة الله وبركاته حرق صفر عادة قديمة يقوم بها الأجداد في آخر أيام شهر صفر والبعض في أول أيام ربيع الأول يتم حرق صفر وهي دلالة على إخراج النحس من السنة حيث أن شهر صفر عرف بالنحوسه وآخر اربعاء من شهر صفر تعد انحس يوم فيه فلها صلاة خاصة واذكار خاصة .. في آخر يوم من صفر يقوم النساء بتكسير الاواني الفخارية مثل ( الجره وإذا مانوجدت القدو ) والبعض يتم تنظيف المنزل بشكل شامل تنظيف دقيق جداً وبعدها يقومون بحرق ( الشبة والجاوي )يدورن بها في مختلف انحاء المنزل ويقولون ( اطلع اطلع يا صفر ) ويكسرون بيضة ودهن على ( بلوعه البيت فتحة المجاري الخارجية للبيت ) والبعض يشعل النار بالقناديل واطارات السيارات وفي الخشب ويرمونها بالبحر ....الخ سؤالي يطرح نفسه ؟؟ هل عندكم هذه العادات ؟ ومن أي منطقه ؟ اشرحو لنا كيف تمارسونها أيام أول والآن وهل أنتم مؤيدين لها لو لا ؟ يلا راح أبدأ بقوول لكم كيف نحرق صفر احنا عندنا هالعاده في سيهات وأنا من المؤيدين لها باعتبار انها عادات وتقاليد من انولدت كانو الاهل يمارسونها مع انها خرافات أهل أول لكن هالخرافه بنظري إذا كانت تعمل بيقين صادق تنقبل وتكون حقيقه وتنتج نتائج إيجايبه :rolleyes::) احنا تاريخ 28 صفر قبل آذان المغرب وبعد مانخلص من القرايه في وفاة النبي محمد صلى الله عليه وآله وسلم نحرق صفر ناخذ منقله وفيها الفحم نشب فيها الضو يعني النار ونقفز عليها سبع مرات ونقول (اطلع ياصفر بهمك وغمك ) والنسوان يرددون حرقو صفر حراق المدينه اقرو وفاتي وحرقو صفري وبشرو الزهراء بموتة عمرِ ومادري شنو بعد امي ماقالت لي تكمله القصيده المهم في اليوم التاسع من ربيع يحتفلون بعيد الزهراء على قولتهم اما هذي احسها بجد خرافه وعقلي مو متقبلها ولادة عمر لما جاب بنيه لان كان يعيب على الأمام علي مادري يتحداه وقصة الديش مادري الديايه استغفر الله مادري شنو خرابيط للحين مافهمتها واتذكر واني ياهله كانوا يحتفلوون النسوان بهالعيد ويقولون كلام وصخ عن عمر استحي اقوله لكم :o وكل وحده تصيد الثانيه بصيده يعني مثلاً :rolleyes: تقول ايي سئلت عنش فلانه تقول من هي وتصيدها وتقول لها تيوده :D والبعض سمعتهم يقولون تيوده لاتهده خليه يمرس في دبتك :p بس من كبرت ماقمت اروح هالحفله اللي يسونهاا لاني مو مقتنعه فيها :cool::p عاد توني من شوي اسئل الوالده حرقتوون صفر قالت اي حرقناه امس بالحسينيه والقدو بكره بنكسره :rolleyes: اما انا قلت بكره بحرق صفر في بيتنا بحط لي منقله وبشب الضو وبنطط وبكسر قدو أمي ولاعلي منها خل تشتري لها واحد يديد << تطبق العادات والتقاليد :p المهم اللي يبغى يحرق صفر وياااي يتفضل :D |
هههههههههههههههههههههههههههههههههههه انواروو
هالعوايد عند النسوان احنا يكن يسونها مادري عنهم :p موضوع حلو ولطيف وقميل وقواش الله وانتبهي لاتطيحين في النار خخخ وشسمة اممـ كأنهم الهنود الحمر نار وحولها وييبون (يزغرطون) :D والله يعدي شهر صفر على خير ونستقبل شهر ربيع شهر الافرآحـ يا رب واحنا اللي للحين اشوف سالفة الصيدة تيوده لاتهده ههههه يسمونه هالصيدة عندنا للي يصيدوه (سريناك) oO اياك حلو وعوايد غريبة .. ومعتقدات الحريم وثباتهم عليهآ !! شي عجيب هه على قولة احد العلماء الافاضل في سوالف الحريم واللي يسوونه يقول خليهم على راحتهم هم وعقيدتهم هههه |
هلا أنوار البتول...أخبارك.؟؟ شنو هذا توني اسمع فيه:eek:...قلت أسأل أمي..سألتها:تقول حتى هي ماجربت:rolleyes: بس سمعت هالكلام مع ان احنا في الحسا قريبه منكم ممكن فيه عندنا يسوونها مادري....ع العموم شي معلومه جديده بس أنوار شنو معناة تيوده...... |
بسم الله الرحمن الرحيم اللهم صلِ على محمد وآل محمد وعجل فرجهم واهلك أعدائهم الى يوم الدين السلام عليكم ورحمة الله وبركاته انواروه انا بحرق صفر معااك لكن بطريقتنا مو طريقتكم هههههه احنا مايسوون مثلكم منقلة وفحم ومدري شنوو لااا احنا يكسرون قدوو ويسوون بخوور اللبان يقولون عشان ينكسر الشر وعشان تطلع الجن :eek: عفر امي بتطلع الي قلت لك عنهاا تذكرينهاا ;) اي ورحت سألتها الحين قاالت بكرا بتكسر القدو وبتسوي بخور اللبان عاد هالبخوور ريحته وعوو خاايسة ابووي واخووي مايقعدون في البيت لما امي تسويه خخخ لكن هذي الصيدة مدري شنو الي قلتي عنها ماعرفها اول مرة اسمع بهاا تخيلتهاا مثل لعبة اللحاق او الي يسمونها قبل (حلوسي) لعبة اليهاال اشحلاتهاا للحين نلعبهاا ههههههه اي وعشان هذي الي حق عميرو ع قولتهم انا بعد لما كنت صغيرة كنت اروحهاا اما الحين لاا مااحبهاا لان احسهم قليلين ادب ويقولون كلاام مررة وصخ واعرف بعد يغنوا عليه اغاني وكنا نحفظها يوم احنا صغاار ونستانس كله نقولهاا بس الحين نسيتهاا لكن كلمت صديقتي تذكرني بهم لانها هي كانت تقولهم لي لما امها تقولهم لهاا هههه اسمعوا..عميرو رايح العشة ماشفناه لحقته ام كشة ماشفناه عميرو رايح السوق ماشفنااه وفي ايده بسكووت ماشفنااه رايح المقبرة ماشفناه يبحف له مرة ماشفنااه عميرو خابت به رجاجيله شربوا قهوته وكسروا فناييله وبس هذي الي اذكرهم هههههه وكانوا بعد كله يسموونه عميروو ابو بنية ايه ويلا بس هذرت واايد هههههه عسى بس ماتملون وانتوا تقرأوا هذرتي :D مشكوورة انوارووه ع الموضووع الحلوو يعطيك ربي العاافية والله يدفع عنا وعنكم البلاا ويطلع صفر بهمه وغمه ع قولتكم :) تقبلي مروري تحيااتي همـــــــوسة |
هههههههههه في معتقدات قديمة وكثيرة وتختلف من منطقه لمنطقة بنسبه لحرق صفر أول مرة اسمعه بس حق عميروه مادري وشو سمعته امي تقول هم في الاحساء يسوها و مثل ما قالت هموسه فيها كلام مو زين و اذا بجي وياش بتفرج ونتينا تنطي ^-^ وشكراً انوار على الموضوع |
يمي المومياء أنوار هنا ... يبى انا لااعرف ولا ادري عن هذي السوالف خخخخخخخ امي تقول انه الأول يكسرون فخار او يكنسو البيت ويحرقو الوسخ اللي كنسوه ... واسمع من امي العودة تقول في شغلة اسمها (واصفيرو صفر ... نسيت البقية خخخخ) ومالي خلق اقوم اكلم امي العودة تحكي لي الحكاية حق اكتبها خخخخخخخ لأنه بتبدأه بمحاضرة وش فهمكم لسوالف الاول انتون مال شسمه ومال هذا و و و وكلام أنا في غنى عنه ...خخخخ أنا قلت لش احرق اكسر اي شي والمهم يطلع صفر لأنه مليت منه إهئ إهئ ... وقررت أكسر راس أحد بدل الفخار ياراسش ... ياراس حمود ... ياراس النتفة هذيك ع العموم أنوار خانم عودا حميدا ونور القسم العام بوجودش وع فكرة صينية أمي اللي في بيتكم خخخخخخ لاتحطي حرة صفر فيها خخخخخخخخخخخخخخ منورة غناتي ونشوفش بالقسم ع طول تحياااتي نور... |
هههههههههههههههههههه اي انا اسمع فيها ولحين يسوونها عندنا بس انا ولا مرره شفته تدرين صار ودي اشوفها بسبتج شوقتيني خخخخ بس اني اسوي شي لا ما اسوي بس انا حطيت تحت مخدتي 700 فلس يقولون لازم 7 عملاات حديد مو ورق <<<خخخ ماادري شالساالفه يا الله الله يطلعه على خيير ان شاء الله والله يجيب ربيع لنا بالافراح وياكم ان شاء الله ^_^ |
صصراحة اول مرة اسمع بها الشئ
لكن بسال امي يمكن تعررف والله يجيب ربيع لنا بالافراح انشاء الله ويالله انوار بجي بحرق صفر وياك :) مشكوورة ع المووضوع تسلميين |
اقتباس:
وعلى سالفة (( تيودة )) في ربيع اللي راح واحد صاحبي سواها لي وصادني اللا هو يقول تيودة لا تهدة وخليه يتغدى عنده >>> اذا ما خاب ظني :rolleyes: واخوكم مو عارف ويش الطبخة :D قلت له : هي يالخبل انت ويش تقول ؟:confused: ولما شرح لي السالفة فهمنا ^_^ اقتباس:
اقول خيتو انوار انتبهي لا تكسر الوالدة راسك بس :D:D شكرا على الموضوع المتميز والرائع :):) |
السلام عليكم شوفي حبيبتي هل العاده اصير عندنا في البحرين .. اليي ذكرتينهم مثلاُ تكسير الصفااري خخخخخخخ مشكوره يا بعدي ع الموضوع وخلاص .. حرقنا صفر بموضوعش |
| الشبكة: أحد مواقع المجموعة الشيعية للإعلام الساعة الآن: 05:40 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025