منتديات أنا شيعـي العالمية - هـَــ المـفــارق ـــــم . . !

مدخــل::confused:
ماهمني لو ماعجب شعري الناس
............ أهم شي ،، اللي كتبته عجبني ‘

7
7
7

الغايب اللي راح ما قال دعواه / كذا بدون اسباب ما قال لي ليه
يجرفني احساس الوله وآتمناه / وادوّره بين الغياب ومساريه

ولا لقيت الا اثر مشية خطاه / باقفايةٍ مدري على وين تنويه
وشلون ابقوى غيبته واتناساه / وطيفه مقيّد ناظري من عراويه

قدام عيني لوني مغمض القاه / من كثر ما انا مغرمٍ فيه وآبيه
يطري علي بصوته العذب وحكاه / واموت من طاري غنجه بتمشيه

ويطري علي معاتبه حزة رضاه / ونظرته وملامس يديني باياديه
مشتاق له كثر احتراقي بفرقاه / لو كان ما همه عناي بتجافيه

يا قو قلبه في بعاده وما اقساه / انا اشهدنه ما ذخر في تجنيه
حسبي عليه شلون طاوع بي عداه / ناسٍ يبون اللي بديناه .. ننهيه

ما عاد فيني للشقا والتأواه / وانا خفوقي صابه اللي يكفيه
عليه عقلي لي تذكر سواياه / يردني دونه .. وانا ميتٍ فيه

وعيني عليه اليا تذكرت طرياه / صبّت كما مزنٍ تحدر خوافيه
ذي عادته لا غاب قمت اتحراه / مابين طيات القصايد واغنيه

موال من هم المفارق وبلواه / ادمى مسامع من يحسه ويوحيه

مـخــرج

:
شفت القصيد اللي كتبته عشانك ؟ .. ذا الحين لامني قريته تحسفت

نسااااااااااالكم الدعااااء بالموفقيه