منتديات أنا شيعـي العالمية

مادريت الشوق ملعون ابو جده .. لين جربت الشوق والشوق ذباح

والعاشق اللي دموعه على خده .. ماليات كفوفه وبالعشق سباح

دخيلك نار الهوى بالقلب مشتده .. ليا صاحت ضلوعٍ ناداك

يحسبك من كثر مايطريك عنده .. وين مالاح طيفك كله معك راح

ارفق بحال اللي نارك حيل تقده .. ومن عاليه طاح ثم وقف وطاح

كيف رجله تشيله ثم بحيله تهده .. حالفن به الشوق والشوق فضاح

شوق على شوق ومنهو يعده .. زادت الاشواق والعاشق مارتاح

كنه ارض قفرا بالنظر مجرهده .. تنتظر غيث منهو بالطيب لااح

لابارك الله بوجيه فيك مصده .. كنها اقفال مالقت لها مفتاح

ياعزيز القوم ياظهره وسده .. ياللي ذكرك مع الناس فواح

اشقيت روح بآرضها لك ممتده .. والصدر بطاريك يشرح اشراح

كني كما نهر وانت لي سده ..والا بقآيآ طاحت كما مسباح

مالقت يدين تضمها ولها شده .. لين القلب سابق الرجل بمرواح

واقصى العين لديار اللي يوده .. يالله تكتسي دنياه بالافراح