|
للنقاش كشف الوجه
هذا الموضوع كنت محتار كثيرا في طرحه خوفا من الظن السيء بي من الناس خاصة أني ولله الحمد محسوب على الطبقة المتدينة لكني أرى أن ذلك أمر آت لا محال والأمر يخص منطقة القطيف
إني أرى أن تكشف المراءة وجهه بحسب الموازين الشرعية ولا نكن كالوهابية متخلفين |
الموضوع فعلا حساس :rolleyes: لو تلاحظ اخوي عاشق ان اي شي يكون خارج عن (( مألوف العرف والمجتمع )) راح يجذب الانظار وفي السعوديه انظار الشباب ما شاء الله :eek: :D شوف هذه الفتوى مثلا للسيد الشيرازي الله يحفظه كشف الوجه مع الالتزام بشروط الحجاب ما هو الحكم لو أردت أن أكشف وجهي مع الالتزام بشروط الحجاب المعروفة مع العلم أنني أقيم في منطقة_القطيف_ الغالب على أهلها هو تغطية الوجه إلا أنني أشعر بعدم الاقتناع بذلك_أي تغطية الوجه_ ويقال بأن التقاليد تستوجب ذلك وأنا أرى أن التقاليد في مجملها ليست أحكاماً من الله بل من البشر؟ ************************************************** *********** قال الله تعالى في سورة الأحزاب الآية/59 : «يَا أَيُّهَا النَّبِيُّ قُل لأزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلابِيبِهِنَّ..» الجلباب: العباءة التي تلبسها المرأة فوق ثيابها وتغطّي بها رأسها حتى قدميها، والقرآن يأمر بأن تكون هذه العباءة فضفاضة وواسعة _عرضاً وطولاً_ بحيث تغطي الرأس وتتدلّى على الوجه وتغطّيه، وتجرّ ذيولها على القدمين وتسترهما، وتنعطف أحد جانبيها على الآخر وتغطي البدن والثياب كلها، وكذلك كان حجاب السيدة فاطمة الزهراء سلام الله عليها، فينبغي التأسي بها لنيل شفاعتها دنيا و آخرة إن شاء الله تعالى. نعم،كشف الوجه بلا زينة وعدم افتتان للآخرين جائز، لكن الأحوط عدم كشفه وخاصة إذا كان الغالب على أهل البلد تغطيته، فإنها من التقاليد الحسنة التي أوصى الاسلام باتباعها كما نسب الى أمير المؤمنين عليه السلام: «بني إذا كنت في بلدة فعاشر بآداب أربابها». وحذراً عن الشهرة فقد روي عن الإمام الصادق عليه السلام: «الشهرة خيرها وشرّها في النار». ************************************************** **** وهذي فتوى اخرى للسيد السيستاني الله يحفظه ما حكم تغطية الوجه عند المرأة ؟ لايجب تغطية الوجه إلا إذا كان مزيناً بالمكياج ، او كان من الجمال بحيث يثير الفتنة بصورة عامة ############################# يعني من ناحية انه مباح فهو مباح لكن شوف الشروط اخوي عاشق الا ذا كان مزينا بالمكياج بتشوف وحده تجي تحط لها كريم اساس وروج خفيف وتقول لك >> هذا تسميه زينه ؟؟؟ روح شوف البنات كيف يحطوا المكياج :D وبعدين شوي شوي يتدرجوا :confused: او كان من الجمال بحيث يثير الفتنة بصورة عامة وهنا بتجيك وحده ماشاء الله عليها في الجمال ;) وتقول لك : اصلا انا انا مو حلوة ولا شي يعني ما احد بيطلع فيني ولا بلفت انظار احد :confused: ================ على اي حال نترك التعليقات الى اخواتنا افضل بحكم انهم هم المقصودين :p وعذرا للتطويل ^_^ |
السلام عليكم ورحمة لله وبركاته
بما أن أهلي جدا من النوع المشدد والملتزم لأأن حتى اذا رحنا سوريا وكل سنه نروح ولا مرة فتحنا وجهنا لأن أهلي ما يرضون لكني أفضل فتح الوجه بدون زينه او خرابيط عالوجه أأيد فتح الوجه وأتمنى في أقرب فرصة بس الخوف والله من البنات وكل ممنوع مرغوب بيحطون ميكاج في وجهم وبيطعون أشوي من شعرهم هذا الخوف منه بصراحه لانه احنا الدولة الوحيدة بالعالم( السعودية) اللي تغطي وجه واشوي من نساء اليمن.. الشرع ما حرام الوجه بس مثل ماي قولون فتنة والفتنة بتصير اذا في مكياج وبتصير اذا صار مجموعة من البنات يفتحون وجهم في مجمتع الكل مغطي وجه يالله أحس صعب كثير أمشي بالشارع انا فاتحه وجهي والكل مغطي فشيلة هههههه بس بما أن صارة العبايات الكتف والى الأن غير مقبولة من جهة ناس وناس يأيدونها وصاروا كثير يلبسونها نفس الشي فتح الوجه بصير كذا ومع الأيام الناس رح تتعود.. بس متى .. رح ننتظر.. دمتم بود.. |
احم احم .. اول شي احب اشكرك اخووي عااشق على طرح الموضووع القمييل والمهم .. بالعكس اخووي حليوو ان نتناقش بهالموضووع مافيه شي ليش متردد ..:confused: انا بصراحه أؤيد كشف الوجه بشرط التزاام بالحجاب الشرعي في اماكن مخصوصه طبعاً بحكم ان اهني مجتمعنا السعودي مايقبل بكشف الوجه .. :cool: الحمدلله اهلي مايعاارضوون هالشي كشف الوجه وعبايه الكتف ..:) يعني حتى عن اولاد العم والخال مانتغطى عنهم بس حجااب شرعي طبعاً .. مثلاً السفر إذا سافرت في بلد اهم مايتغطوون الاوجب اني اكشف وجهي عشاان ماالفت الانظاار ..:rolleyes: تقريبااا كل مابين سنتين او ثلاث ارووح سورياا اتغطى بس في السيده بحكم اللي اكثر الزوار متغطين اماا اذا طلعناا التمشياات والمطاعم وخاارج منطقة السيده افتح ويهي .. وكذلك لما ارووح الكويت وقطر اكشف وجهي .. اما البحرين نادراً مااكشف بحكم ان يتوااجد فيهاا سعوديين وااايد واغلبهم شباااب ..:cool: وكذلك في بيت الله الحرام يتوجب علينااا ان مانغطي وجهناا عن الكعبه صح ولالا بالرغم من كثرة الرجال الموجودين داخل الحرم .. بس اللي اهنااك مايقصروا عليناا كل شوي اتيي لنا وحده تستري ياحرمه وتستري .. ولابعد يعرفوونااا ان احنا شيعه لان وجوهناا فيها نور الولايه لاهل البيت عليهم السلام .. وحتى اهني اذا طلعناا رحلاات البحر اكشف وجهي .. يعني بالعقل رايحين نشووف البحر ونستانس نتغطى ومابنشووف شي مايصير ..:eek: وانا عندي كشف الوجه افضل من لبس النقاب ..:rolleyes: ولو مجتمعنااا السعودي قبل من زماان كشف الوجه للمرأه كاان افضل .. بس الحين ان نكشف وجهنااا على طول في بلدناا بالقطيف وضواحيهاا مستحيل لان هالشي مو عاداتنا وتقاليدنااا .. ومو حليوو ان المرأه تكشف وجهها في بلد عادتهم انهم يتغطوون لانهاا كذا بتلفت الانظاار وبتزيد الفتن اكثر مما احنا فيه .. بس اهم شي ان المرأه تكوون ملتزمه بحجابهاا الشرعي وبعبايتهااا الفضفاضه ..:) لكن شنقوول عن هالزمن اللي مو مخلي شي .. :cool: روحوا بس المجمعااات وشوفوا شنو مسوويين البنااات بروحهم كيالواا مكيااج بويهم والشعر طالع وحالتهم حاله .. :( بالنهايه الله يستر على الجميع والله يحفظنا ويحفظكم من كل شر .. اعذرني اخووي طولت بالهذره وقصيت لكم قصتي ..:p والف شكر لك اخووي مره ثانيه عالموضووع الرائع .. يعطيك العافيه وعسااك عالقووه ..:) ونتنظر رايي الاخوه والاخوااات ..:) |
تسلم اخي عاشق الزهراء علىالطرح
موضوع راااائع وكل شخص لة وجهة نظر يختلف عن الاخر قد لا يكون غطاء الوجة واجب , ولكن بنظري يستحسن ان نغطية منعا للفتنة فالمراة فتنة كما يعلم الجميع وفتنتها في وجهها ,, اولا واخيرا اني اعيش في اسره لايجبرني احد على فعل شيء غير مقتنعة بة يعني اسرة ومجتمع دمقراطي فالتزمت بلبس غطاء الوجة منذ ان كان عمري 14 سنة واقنعت اخواتي ومن ثم امي على لبسة ومازالوا يلبسونة ليومكم هذا مع االعلم ان معظم فتيات البحرين لم يكونوا يعرفوا هذا الغطاء قبل الثورة الاسلامية في ايران وبعد الثوره عرفوا الحجاب ومن ثم غطاء الوجة والتزموا بة والزموه فتياتهم بلبسة ولكن للاسف الشديد في العشر الاخيره كثرت خروج المراة للعمل ومن ثم حاجتها للسيارة ,, ولوجود قانون يمنع قيادة المراة وهي لابسة غطاء الوجة خلعت ذلك الغطاء تمشيا مع القوانين والصغار يقلد الكبار في كل شيء ,, وعندما تامرها ستقول لك حتما لاارى امي تضع على وجهها الغطاء اني بعد لااريد ان اتغطى فنرى هذه الايام الكثيرات غير ملتزمات بهذاالغطاء تقبلوا مروري وتحيااااااتي |
انا بصراحه أؤيد كشف الوجه بشرط التزاام بالحجاب الشرعي بدون الخرابيط من المكياج والكحل وروج
أحس أحسن من النقاب يسلمو ع الموضوع |
بعد السلام والتحية والاكرام ...
مااعرف شقول بصراحة بس كل شخص واله وجهة نظر وهذا الشي حرية شخصية يعني مافي شي واجب يلزمهم (مثل الحجاب) لو بجي اتكلم عن نفسي انا من مقلدين السيد القائد (الخامنائي) والسيد عنده وجه القرص حلال ... بس انا من رأيي انه كشف الوجه في حدود القطيف مو حلو لأنه المعتاد عليه ولأن وبصراحة شبابنا مصفعين غير المناطق الثانية ...وغير الكلام اللي بيطلع عليها بت الناس هههههههههه وانا عن نفسي كنت محافظة على الغطاء ومتمسكة فيه باسناني ههههههههه ماانسى اني لما رحت لبنان كنت الوحيدة في القروب المتغطية لا وحتى بالمناطق السياحية متغطية (زين بمغارة جعيتا منو اللي بيترك المناظر وبيطالع فيش ) بس الظروف في هالسنة تغيرت ههههههه كثرت روحاتي للبحرين عشان مواعيد عند الدكتور ههههه لا وكنت في البداية اروح وادخل متغطية وبعدها يقول لي كشفي وجهش ويكشف ويشوف وين وصلنا بالعلاج ومن اخلص ارجع اتغطى ههههههههه حسيت حالي نكتة وبعدها صرت اروح بعباة الكتف والنقاب ونفس المنوال اشيل النقاب ومن يخلص كشف ارد البسه لين في النهاية شلت النقاب وظليت اروح متحجبة ولما نخلص مواعيد نتمشى وو و وانا متحجبة مع انه كذا مرة نصادف احد من العائلة بس اغاور هههههههههه يادوب نسلم ونمشي خخخخخخخ وتعودت على انه برى البلد اتحجب فقط وهنا الغطاء هههههه اللي يشوف اللي هنا رجال واللي هناك غير الناس بس مثل ماقلنا فتح الوجه يكون ع العرف مو اتغطى بمكان الكل كاشف بصير انا الملفتة للنظر ولا اكشف مع ناس كلهم متغطيين واذا صار كشف الوجه عرف عندنا باللقطيف راح يكون صعب في البداية واللي يتبعوه بداية الله يعينهم من الكلام و و و وبعدها الللي حرق اعصابه ووو وماخلى شي الا قاله يازوجته يابنته يااخته راح يسكتوه لأنهم راح يطقمو مع الشعب ... |
مشكووور أخوي عاشق الزهراء على هذا الموضوع حلو الواحد يتناقش وخاصة في اشياء مفيدة
أنا بالنسبة لي ما حب أكشف وجهي لأني أستحي هو مو حرام كشف الوجة بس المشكلة اذا كشفنا وجهنا واجد بتصير مشاكل وخاصة اذا كشف وجهنا ممكن يتمادوا أكثر و بس .............. تقبلوا مروري |
;););););)
مرحبااااااااااااااااااااااااااا اني من اول ما تنزل الموضوع واني اقول مابرد لانه خفت احد يطلع لي فيها ويكتب حرام ويطلع فتاوي ومادري شنو وبيتفلسفوووووووووووو انا مقلدين السيد القائد يعني اخذ بحكم السيد انه قرص الوجه مو حرام وملتزمة بالحجاب الاسلامي هو صح مجتمعنا يحكمه العرف بس الحين صار الوضع طبيعي ليش احنا في كل شي انحط العقدة في المنشار وعلى كل شي اتصير زوابع وهدرة طلعت العباة الكتف وصارت الهدرة والي تلبسها ماتظل عليها كلمة الي تنقال ونفس الشي فتح الوجه زين يعني بس الغطى هو الي يدل على الالتزام بالدين يعنووووووو النسوان الي في لبنان وسوريا وايران والكويت والبحرين وباقي العالممممممممم ماعندهم الالتزام :eek::eek: المشكلة مو في كشف الوجه المشكلة في المجتمع نفسه لو من البداية الاب والام علمو ا ابنهم انه الي تمشي في الشارع لها احترامها هي اختك امك وغيروووووووو ليش في بلدان غيرنا مدارسهم مختلطه وماصار مشاكل لو تصير عندنا الدنيا اتقوم وماتقعد :mad::mad: اوووووووووووه اني شكلي بدخل في موضوع ثاني خلني اسكت احسن لا يقومو علي ويطردوني هههههههههههههههههههه >>>>>>>> لانها وحدة ماتشتهي الغطى يؤؤؤؤؤؤؤؤؤؤؤ مااقدر ايجيني ضيق تنفس :D:D |
اقتباس:
أتخيل نفسي لمن ألبس البرقع.. وأغطيه بعد ههههههه لو نفتحتح وجهنا أفضل بس الحين صعب كثير مدام ان مرت أجيال وأجداد.. وقرون واشياءكثيرة مع اني اايد فتح الوجه بس اهلي طبعا لا انا لمن رحت مكة فتحت وجي بس في بيت الله الحرام ومن نشوف واحد نعرفه نتغطى هههههههه نخاف يعرفنا خخخخ ويقول هي بنت فلان وأخت فلان مشكلة والله تخيلي لو نتفتح وجهنا كان كل الشباب السعودييين والهنود وكل العمالة الوادفدة يطالعون فينا واحد مستغرب واحد عينه زايغه هع هع واحد قلبه متحقرص يبي يعرف هذي بنت مين ههههههههه خلاص راحت علينا في الجنة أن شاء الله بفتح وجي أن شاء الله حتى لو كل أمة محمد تعرفني.. |
| الشبكة: أحد مواقع المجموعة الشيعية للإعلام الساعة الآن: 11:16 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024