منتديات أنا شيعـي العالمية - صوت التل لسان حال العقيله

((صوت التل))

****************

ياحسين ** ياحسين ** ياحسين

صوت من التل لعنـــان السمه

زينب اتنادي يبن حامي الحمه

******************

هاي زينب تستغيث وتندبـــك **هاي دنيَة طمع جتّي اتحاربك

أتريدك تجاوب وحته تجاوبك **تخفي عنّك الدمع لتعذّبـــــــــك

عيون زينب عالدموع أتعلمّــــن

حته من تفرح دمعها يصب مزن

***************

والله اكبر فاجعه بطف كربله **مرّت عليها بأعظم مشكلـــــــه

نار وآيتام ونســــــــاء مرملّه **حاضره بكل موقف وألها صله

صبر أمها فاطه ݘان الدرع

للجروح يداوي لمَن تنفجـــع

*****************

ظيم وآهات وحزن دمع وقهر**جبل شامخ ماحنت منها الظهر

لملمت بضعونه الدرب الخطـر**والصبرها انجمعت آيات الظفر

بمجلس يزيد العيــون الناظره

العجب رواتها العزيز مخدّره

**************

اسعه سعيك وكد كيدك يايزيد**نوره ماينطفي ويرد من جديد

للحسين العهد يتحقق أكيـــــد **ثار كل گطرة دمه منّك نريــد

عالي راسي بيه فوگ اعله السحاب

وباݘر انته تشوف انــــواع العذاب

*****************

جزه صبر أيوب من عدها الصبر **الدمع مايعرفله ليل ولافجـــــر

واليواسي دموعها دمعه ذخــــــــر**تحضره الزهره شفيعه بالحشر

كل شعائرنه بضمايرنه أنحيَت

وانته نور عيونّه الأجلك بجت

*********************************************