|
قصيدة / لبيك يا علي
قصيدة / لبيك يا علي ................................... .................................... لبيك يا علي لبيك يا ولي نهتِفِ اباسمك يحماي الحميّه ما يِهِمنه ارهاب اشرار البريّه لبيك يا علي لبيك يا ولي .............. ا يالولي المظلوم ا يا علياه – وشْما تدور سْنين يومك منِنْساه مْصابك يبو الحسنين كل شيعي ينعاه – دْموم دمع الحزن من هالرزيّه لبيك يا علي لبيك يا ولي .............. ننعاك دوم وْ ما نمل يا ولينه – مجلس عزاء وْ نوح وابكل مدينه وشما يگول الناصبي ما علينه – مجْلِسِ مصابك يظل صبح وْ مسيّه لبيك يا علي لبيك يا ولي .............. للموت احنه وْللابد يالولي اوياك – ارواحنه كلها الك يالوصي افداك والدنيه يا مولاي ما تسوه بليّاك – حبَّكِ مْن الله فرض مو بس تقيّه لبيك يا علي لبيك يا ولي .............. النهجك مشايخهم ابد ما تريده – گوم الفتن لابليس صارو عبيده جارو علينه بالبدع والمكيده – شفنه الوان الظليمه والاذيّه لبيك يا علي لبيك يا ولي .............. الفتوة مراجعنه امتثلنه وْ نجاهد – نحمي المساجد سيّدي والمراقد وانصد شرور اهل البدع والمكايد – بْصوت عالي نهتف احنه رافضيّه لبيك يا علي لبيك يا ولي ........................................ ........................................ خادم امير المؤمنين ( ع ) الشاعر الحسيني سعيد الفتلاوي الطويرجاوي |
شكر
أحسنت بارك الله فيك
|
احسن الله اليك الربيعي
|
| الشبكة: أحد مواقع المجموعة الشيعية للإعلام الساعة الآن: 04:42 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025