منتديات أنا شيعـي العالمية - خالد محمد مهدي \\ديوان بكاء الشمس ضمير الموالي بالفطره ((مشّايه))

ضمير الموالي بالفطره((مشايه))

====================

ازورك سيدي مشّــاي**ومتــاع السفر عنـــــــــدي

من القران چم أيــــــه **وحبك ناگع بجبـــــــــــدي

يادرب الوفه يانــــور **درب غيرك ردي امصَدي

اجيت أمأمن ابحبــــك** ماخاف الوگف ضـــــــدي

لان انته عزيــــــز الله **وغيرك سيدي اشعنـــــدي

عفت الدنيه عفت المال **وبسم الله الجدم تبـــــــدي

وامشي بليلــي ونهاري** ودمعاتي عله خـــــــــدي

ماتيّه الدرب أوصــــل** انته غايتـــــــــي او ودي

بحيل جديد كــــل لحظه** وي حادي الضعن احـدي

ذليله الروح من دونـــك** يعز من روحي من ولدي

يوم الرجعه اريد ويــاك** حته لو جزه حـــــــــــدي

انته السور والرحمـــــه **شفيع المحشر أو سـدّي

رجائـي تقبله منـّــــــي ** أصيرن خادمـــك ودّي

وأتمنَه السفينــــه اصعد**بيهــا اعبر أوي المهدي

وتعبّرنــي ســــراط الله**ابلمح البصر وتعــــــدّي

ودخل جنـــة الفردوس**وحنن عاليجي بعــــــدي

وننصب مأتم الاحــزان**للساعه الجرح يـــــــدّي

نواسي العتره بمصابك**بصلاة اعله النبي نبــدي