|
قصيدة / آيات النصر
قصيدة / آيات النصر
.......................... محميّه تبقه گبتچ يا زينب واسم الاله القاهر اليحميها .................. نتحده كلمن يعتدي او منهابه - ارواح نفدي المرقدچ وترابه تفاگه نوگف يالعزيزه اببابه - ونْردد آيات النصر باعتابه والحضره تبقه امحصنه او من يگرب - ونْگطّع اوصال العدو اليئذيها ................... ابطال من حيدر علي قوتنه - وْغيرتنه من حامي الخدر شمعتنه لا مال لا دنيه او فتن غرّتنه - نفديچ يا زينب يبت قدوتنه الارهاب ما همنه او عبرنه الاصعب – واتباع كل عابد صنم نفنيها ................... تنگص اِديه اليعتدي او يتجسّر – بالذل يعيش الفاسق او يتحسّر ينظر هزيمة جيشه البيه يفخر – وْينظر فلوله امطشّره او تتقهقر مهزوم جيش الناصبي او يتسرّب – كل الجيوش الظالمه انخزّيها ................... هيهات گبرچ يالتقيه انعوفه – نقسم بابو الغيره الوفي وچفوفه بدمانه نفدي هالصرح وضْيوفه – شيب او شباب امحزّمه وتطوفه اتحيّر عدونه باليشوفه اتعجّب – حمّايه نبقه الديرتچ نفديها ................... رغم الاعادي رايتچ مرفوعه – بسمچ تِنور امطرزه او مرصوعه وِمثبّته ابنص الصحن مزروعه – منها النواصب خايفه او مفزوعه هالرايه تعله بالسمه او تتگلّب – وِترفرف ابصنچ فِنه اليدنيها ................... ملعون جيش الناصبي او وليانه – مسعور كافر والحقد عنوانه يتوعّد الصحنچ يهد بنيانه – افكاره من فكر النذل مروانه مجنون عايش بالوهم يتعذّب – ارض العقيله بالدمه نرويها ............................................ ............................................ خادم اهل البيت ( ع ) الشاعر سعيد الفتلاوي الطويرجاوي |
الله يحرس مرقد الحوراء ويحفظ الابطال المدافعين عنه
مشكور على القصيدة الرائعة |
| الشبكة: أحد مواقع المجموعة الشيعية للإعلام الساعة الآن: 04:58 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025