منتديات أنا شيعـي العالمية - دفعــــــة البـــــــاب ( نصاري لأستشهاد الزهراء عليها السلام )

بسم الله الرحمن الرحيم
اللهم صل على محمد وآل محمد وعجل فرجهم

دفعـــــــة البـــــــاب ( نصاري لأستشهاد الزهراء عليها السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
مصايبكم بدت من دفعة الباب === ياعتـــرة محمــد واﻠﮔلـــب ذاب
ــــــــــــــــــــــــــــــــــــــــــــــــــ ــ
ياعترة محمد ما نسينــــــه == مصيبة فاطمه زهرة نبينه
عصروها إبحقد أهل الضغينه == والآلام هدّت داحي البــــــــاب
ــــ
والآلام هدّت حيل أبو إحسين == والدمعه علي حابسها بالعين
ما هزه الظلم وإمرادف البيـــــــــن == صابر ما جزع من شاف إلمصاب
ــــــ
صابر ما جزع حامي الحميـــّه == شاف الشافعه إبمحنه الزﭽيّه
ضلع منها إنكسر ﯾﺷﭽـــي الرزيّه == والمُحســــن وﮔـــﻊ والداي لهّاب
ـــــ
والمُحسن وﮔﻊ يوم إعصروهــا == بضعة هادي الأمّه النسوها
محمّد وصّــــــه بيهـــــا إو مارعوها == جره إعليها الظلم من ساعة الغاب
ـــــ
جره إعليها الظلم ساعة غيابه == منعوها اﻠﺑﭽـــي ذوله الصحابه
صُفت مهمومه ما تنسه مُصابــــــــه == وإمصاب الوصي وَيْ ذوله الأذناب
ـــــــ
وإمصاب الوصي ما ينجلــــي دوم == عافوه الصحابه إو شرهم إيحوم
وإختاروا خليفه غيره اﻠﮔــــوم == وإهتز الهُدى والدين إنصاب
ـــــ
وإهتز الهُدى والخيـــر مجــــروح == والزهره الزﭽيّه ﺗﺑﭽــي وإتوح
هذا أول ظلم حــــل بيها وإيلـــــوح == من بعده إو غده سيل الرِدَه هاب
ــــــــــــــــــــــــــــــــــــــــــــــــــ ـــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldq7s25984.mp3.html