منتديات أنا شيعـي العالمية - واباقــــــــــــــراه ( شـــــــــــــور )

بسم الله الرحمن الرحيم
اللهم صل على محمد وآل محمد وعجل فرجهم

واباقـــــــــــــــــراه ( شـــــــــــور )
ــــــــــــــــــــــــــــــــــــــــــــــــــ ــــــــ
واإماماه == واباقراه == واإماماه == واباقراه
ــــــــــــــــــــــــــــــــــ
هذا الأمام البلعلم أبحر مله دنيانه
نبعة علي إو إبن النبي نور الهدى إبأيمانه
نيل العلم هذا الولي لجل البشر عنوانه
لمصيبته ياشيعته عزّوا الوصي مولانه
واإماماه == واباقراه == واإماماه == واباقراه
ــــــ
خامس إمام إو طاعته واجب علينه الباقر
معصوم إبن حيدر علي هذا ولينه الصابر
نال المجد والمنزله صار إبعلومه جاهر
توديعه حَل صيحوا إبحزن غاب الأمام الزاهر
واإماماه == واباقراه == واإماماه == واباقراه
ـــــ
عزّوا الوديعه فاطمه بالباقر إبهذا اليوم
كوكب رحل عنّه إو مشه لكن يكابد مسموم
حزني أبد ما ينتهي آني الموالي المهموم
لجل النجوم الزاهره عترة محمد للدوم
واإماماه == واباقراه == واإماماه == واباقراه
ــــ
بأرض البقيع إو تربته ريت العزاء إنقيمه
وإنعزّي طه المصطفه وإﻧﮔلــّه يابو الشيمه
باقر علومك يانبي ودّع يعاني إبضيمه
هذا الولاء الأحمدي ياريت ربنه إيديمه
واإماماه == واباقراه == واإماماه == واباقراه
ــــ
ريت الأمام المنتظر يحضر سليل العتره
بارض البقيع إو نلتقي وإنعزّي أمّه الزهره
ننصب مآتم للحزن سيل الدموع إيحضره
نبني القبور الوالهه والمهدي يعلن نصره
واإماماه == واباقراه == واإماماه == واباقراه
ــــــــــــــــــــــــــــــــــــــــــــــــــ ــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld27h57761.mp3.html

http://sphotos-e.ak.fbcdn.net/hphoto...77092018_n.jpg