مو عجيبة الطفوف
 

مو عجبية الطفوف
مو عجيبة رجال توكع بالطفوف = ولا عجيبة رجال تذبحها السيوف
ولا عجيبة حسين ينداس بالخفوف = ولا عجيبة الكفيل مكطوع الجفوف
ولا عجيبة الرضيع منعوه الرشوف = ولا عجيبة زينب تتحمل الظروف
ولا عجيبة الشمر يقود الزحوف = ولا عجيبة الراس بالارض يطوف
ولاعجيبة الشام دكت بالدفوف = ولا عجيبة يزيد يشتم الضيوف
بس عجيبة الشمس ما صابها كسوف = ولا صرخت لحضة ولا لبت هتوف
والكمر ساكت ولا جنه يشوف = اطفال بالصحراء ما تحميها كهوف
والفرات يمه ما دنى الجروف = ولا سكى الاطفال ولا سوى معروف
كلها تنطر اسرافيل بحالة وقوف = ينفخ يعلن القيامة للالاوف
بقلمي / ابو الحق