منتديات أنا شيعـي العالمية - السلام على يعسوب الدين

موعجيبه الاول واخر وليد
مولاعجيبه بت اسد جابت اسد
العجيبه بسمك انشك الجدار
ولدنك حور والكعه المهد
ياعلي امك بلحظات المخاض
بالولايه قرت وانطت عهد
يعني اول شيعي قرلك بالولاء
واول البايع الك ونطه العهد
موبشر مااقتنع لامستحيل
انته سيف الله بالكعبه انولد
همه كالوا ياعلي داحي الباب
وانه امول الباب بس شافك سجد
الموت مايكرب الك منك يخاف
انته صحته وماجه عنك لبد
انته ياما وياما خضت امن الحرب
لارجف كلبك ولاهمك عدد
انته معروفه خصالك بالقتال
تترك المجروح وتعوف الشرد
بيش اوصفك والوصف منك خذوه
اشمااريد اوصف فلا اوصل ابد
انته ايه ونزلك رب العباد
اشمايريد ايكول ميهمني الحقد
انته مالك نار ربك والجنان
يوم لامال اليفيد ولاولد
حبك ايعادل عباده ياعلي
واليضدك مايفيده اشماعبد
شما يقدم من عمل باطل اكيد
لان من ضدك يضد واحد احد
بيك دين الله اكتمل يوم الغدير
اذن انته الخامس الاربع عمد