|
شــايب !!
شــايب وبصلاته يناجي الرحمن ياربي رحمتك واسعة وتزهي الك وَجهتَ وَجهي ربي عندي اطفال باجر بيش اوجه لو كلو وَجهي ؟؟ شايب ماتجاوز عمرة بالخمسين وجان انكلّة شاب العمرة مية وفوك هسة الضغط صاعد فوك مهر الحيل عكس الجيب نازل من يطب السوك جن كِسرة خبز كَسرة الخاطر بيه يسحكها الوكت .. وشيجبر المسحوك ؟ وخاطر لا تشوفة الناس فارغ جيب من يطلع بجيبة يحط ورق مطبوك ! يحفظ ماي كصتة النخل من يجوع ميتة عروك كَلبة وعدلة بي العثوك شايل عمرة بيدة سنين حرب وعوز بحيث بطرف ردنة تشم وطن محروك خرز سبحة سنينة البيدة جانن سود گلبَن بيض هسة بلون شيب الجوع نهر احلامة يجري بنص خيالة سنين وكل ليلة بخيالة يسوي فد مشروع بنهر احلامه سارح ماسمع شتكول بتّه بحسرة( بابا الماي هم مكطوع !) چن ضغطة گبر ضغطت بعينة هموم نزلن حاجبة ومانزللها دموع بگد عفّة بناته دموعة محفوظات واغلى من الحجي العذّان مامسموع شايب مايبيع دموعة بس ل الله جاليش الوطن بابخس سعر مبيوع؟؟ جاليش الوطن بابخس سعر مبيوع؟؟ خالدالسعد |
آآآآآآآآآآآخ يا بوية اوجعت گلبي يخالد |
جميل شاعرنا المبدع ابا الوليد مررت فوجدتك تكسر امواج المشاعر على شواطئ ورق اصم فابدعت وعسى ان تواصلني |
هذا الحال يكطع الكلب
ابدعت اخي خالد |
اقتباس:
يؤسفني ذلك ... هي المواجع تفرض نفسها شعرا انرت متصفحي دمت بحفظه |
عاشت الايادي وبوركتم
ودي وتقديري |
الأستاذ السعد
اقف اجلالا لكل حرف سكبته بصدق" أبدعت بألم وكرامة" تشكراتي استاذنا |
الاستاذ خالد ماشاء الله ابداعك بلا حدود
وفقك الله كثيرا |
اقتباس:
مرورك اضاء متصفحي لك الود |
اقتباس:
تسلم اخي انرت متصفحي |
| الشبكة: أحد مواقع المجموعة الشيعية للإعلام الساعة الآن: 09:10 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025