منتديات أنا شيعـي العالمية - الى فاطمة العليلة بنت الحسين الشهيد ع .. لطمية

من وزن النايل

بسم الله الرحمن الرحيم
قصيدة كتبتها بـِلسان حال العليلة فاطمة بنت الحسين عليها السلام ..
اهدي ثوابها اليكم و الى اموات شيعة امير المؤمنين من لا ذاكر لهم يذكرهم و اسألكم الدعاء
____________________________________

يابويه حالي صَعُب ... وينه اليــِـداوينــي ؟
لو رحِت دم الگلــب ... يجري ابجفن عيني
عگبك يــِـضيع الأمل .............. لـــو عنـّي طيفك رَحَل
وينه اليــِـداويني
1
طفله وعليله أنــه يحسيــــــــن تانيني
يابويه لا ترتِحــل وحـــــــــدي تِخليني
وي ضعنك الكربله يابويـــــــــه وديني
من عگب عينك بعَـد چا شِـلـّي بسنيني
عيني تظل علــدرب ..... يا بويـــــه مشبوحه
و الفاجد الي يحــب ..... ما تنتهـــي اجروحه
يا بويه دمعي بحَــر ................ راح أهلك امن القهر
وينه اليــِـداويني
2
بويه الوطن مو وطـن لوغبتو يحبابي
كلساعه اتاني خبَــر منكــــم يدگ بابي
يابويه شاهِد تعال ابعينــك اصـــــوابي
انشِد عليك و أبد ما يــرجَـــــع اجوابي
بغربة او وحيده اظل ..... واحبابي عافوني
والدمعه ترس المُقـل ..... تتجاره بعيــوني
وجفوني شبعَن سَهَـر ................ ليش الظلم يا دهر
وينه اليــِـداويني
3
يابويه ساعة وَداعَـك چنْت احس روحي
تابوت نوح انتـرس من همّي و جروحي
و الوجع آه الوجع لو ترجمـــــــه نوحي
يصرخ على الفاجعه عن هلچبــد روحي
چبدي ونينه صُبَــح ..... يا بويـه ياذيني
ما تدري دمع الفرح ..... هاجَــر مياديني
ما يدري گلبي اشتعــــــل ........ لجروحـي اصبَح محل
وينه اليــِـداويني
4
يا دهري وين الأمل گول الأمــل وينه ؟
و شلون أفرح بعد لو راحــت اسكينه ؟
يا عمّه زينب عذابــي ايزيـــد تدرينه ؟
و الحزن عگبچ يحِــز بـوريدي سچينه
يا عمه راح المِحــــن ..... ترسـم عذاباتـي
وبروحي منبع شجَــن ..... يرويلي مأساتي
فرگاكم اليا سبـب؟؟ ............. ما أظن ينفع عَتب
وينه اليــِـداويني
5
ماضيها روحي صعُب تِنساه ماضيـها
والدنيه حدّت عـَلـَي شفــرات ماضيـها
قصة عذابي تِظـل آهاتـــــــــي ترويها
ولو عِطشت الفاجعه بدموعي ترويها
ياشمعتي الي طفـــت ..... في أول سنيني
بس ذكريات البقــــت ..... منكـــم تِسلـّيني
للموت اظل للدمع ........... صرخاتي ما تنسمع
وينه اليــِـداويني
زكي الياسري النجفي
25/08/2012
...........لا يجوز النقل بدون ذكر المصدر..........