المهدي في البقيع
 

المهــــــدي فــــــي البقيـــــع ( موشح )
ــــــــــــــــــــــــــــــــــــــــــــــــــ ـــــــــــــــ
للبقيع إﮔصد يمهدينه الأغر === حتماً إيصيبك يمولانه الكدر
ــــــ
للبقيع إﮔصد تلاﮔيها إبألم == كُل قبور أهلك تنادي يا عَلَم
طال يلمهدي غيابك ياأشم == والنواصب شرهم المخفي ظهر
ـــ
ما تشوف إﮔبور ظلّن بالبقيع == من حقد أقزام سافلهم وضيع
عادوا الأشرار هادينه الشفيع == بالحشر يِِصْلون نيران إو سَقَر
ـــــ
والحسن ينخاك ياإبني الأبي == إمنعْ الأشرار عن أهل النبي
يخفي للأنوار راد الناصبي == من حقدهم ينتشر أعظم خطر
ــــ
من تحت ذاك التُراب المزدهي == تسمع النخوه الأبد ما تنتهي
يظهر النور إو تشوفه يابهي == ينتشر ينخاك مولانه الأبر
ــــ
شيعتك مولاي ظلّت تنتظر == يومك الموعود تظهر يابدر
تاخذ الثار إو يموت أهل الغدر == وإبلواءك تعلن الشيعه الظفر
ـــــ
ﮔوم يامولاي وإﮔصد للبقيع == وإندب السجاد والينه الشفيع
وإندب الباقر أبو العلم الوسيع == وإندب الصادق أبو موسى الصُبر
ــــ
وإبطريقك مُر على أم البنين == وإسمعْ الآهات والصوت الحزين
هاذي أم عباس تنخاك إبحنين == إبني ﮔبري ياإمامي المنتظر
ـــــ
وإمّك الزهراء ياإبن الحُسين == تِنْدِبَك حان الوفه يبن الأمين
شيعتي إيريدون ﮔبري ياطعين == وإشتعل ﮔلبي يبن سيد البشر
ــــــــــــــــــــــــــــــــــــــــــــــــــ ــــــــــــ
مع تحيات شاعر اهل البيت / جابر النجفي


http://a8.sphotos.ak.fbcdn.net/hphot...03971113_n.jpg

ابدعت ووفقت اخي الفاضل
جزاك الله خير الجزاء
تقبل مروري المتواضع مع
ودي واعتزازي
الاقل
احمد رفيش