|
أحزان زينب في العيد ( تجليبه )
بسم الله الرحمن الرحيم أحـــــــزان زينـــــب فـــي العيـــــد ( تجليبه )اللهم صل على محمد وآل محمد وعجل فرجهم ــــــــــــــــــــــــــــــــــــــــــــــــــ ـــــــ شلون أفرح يبويه العيد هالجانه === شخصك ما بعد ينشاف مولانه ـــــ إجانه العيد يابويه إو طُفــــــه نــــورك == شلون أفرح يبويه إو غايبه إرسومك مو إنتَ الفرح إلنَه علي دومك == شلـــــون أﮔدر أعيّد ياعلي آنَه ـــــ يبويه هاﻟﺑﮔﻪ للعيــــد تسعــــه أيّــــام == وَنَه إبنوحي ﺑﮔيت إو فاﮔده الأحلام واشوف إنهد علي اﻟﻓﮔدك هُدى الأسلام == والعيـــد إختلـــف مهمـــوم عنوانــه ــــ يتيمه آني يبويه من بعد فرﮔــاك == ما ألبس جديد الثوب ما أنساك وظل بالعيد أنطُر جيّتك وأتناك == مــا أفرح أبد بالعيد وألوانه ــــ شلون أصبر وشوف الناس تفرح بيه == هــــــذا العيد كُل واحد يجي الواليه وآني إلمَن أروح إو أﮔصد إو أعنيه == وهَنّيــــــــه إبفرح بالعيد فرحانه ـــــ يريت العيد ما صار إو ﮔـــرب يومه == يذكّرني إبهلي الراحوا غدوا نومه يِزيد النوح عندي إو تكثر إهمومه == وظـــل بالشوﮒ إلهم دوم ولهانه ــــ يحيـــدر لافـــرح لاعيــــد أتنطّـــر == بعد عينك يبويه الهم بده يكبر ﻓﮔدت أمّي يبويه إو هسّه ياحيــدر == ﻓﮔدتك وإنمليت إهموم غرﮔانه ــــــــــــــــــــــــــــــــــــــــــــــــــ ــــــــــــــــــــــــــــ مع تحيات شاعر اهل البيت / جابر النجفي إسمعوا القصيده على هذا الرابط http://www.wlidk.net/dldmcv92391.mp3.html |
| الشبكة: أحد مواقع المجموعة الشيعية للإعلام الساعة الآن: 06:58 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025