منتديات أنا شيعـي العالمية - منهو إيراعي الأيتام

بسم الله الرحمن الرحيم
اللهم صل على محمد وآل محمد وعجل فرجهم

منهـــــو إيراعــــي الأيتـــــام
ـــــــــــــــــــــــــــــــــــــــــ
منهو إيراعي الأيتام === من بعدك ياضرغام
ظلّـــوا بعــــدك بالنــــوح === والدين أضحى المجروح
من بعدك ياضرغام
ـــــــــــــــــــــــــــــــــــــــ
حزنان الدين إو مهمــــوم == من بعد السيف الموسوم
ظلمه الدنيه إو ماظل نـــور == صوت الناعي صاح إيحوم
راح الوالي الكـرار == عزّوا الهادي المُختار
والكون أظلم ما نام == من بعدك ياضرغـــام
ـــــ
بالسجده الحق راسه إنصاب == ﻳﺑﭼي إو ينعـــاه المحراب
وإحسين إينادي إو مهموم == راح الوالــي داحي الباب
يازينب راح اليــــــــوم == والينه إو سبع الحوم
والحق ﻳﺑﭼي إو هالحام == من بعدك ياضرغــام
ـــــــ
غابت بالدنيه الأنــــــــوار == من صاب السيف الكرار
تِتْنطّر زينـــــب بالبــــــاب == تسال شنهو الجاري إو صار
شافت حيدر جابوه == باين دمّه إو يخفوه
سكنت روحي الآلام == من بعدك ياضرغام
ــــــ
صوت الناعي نادى إو صاح == يعســوب الدين الحق طاح
سيف الشر خضّب قُـــــرآن == بالسجده إو عطر الدم فاح
صاحت زينب ويلاه == أدماني السيف إو آه
صابت روحي الأيام == من بعدك ياضرغـام
ـــــ
زهرة أحمد ﺗﺑﭼي اليـــوم == من شافت حيدر مالوم
عزّت والدها المُختــــار == نادت طبروه الجيدوم
ياأحمد طبروا راس == حيدر سيدها الناس
وإنهد ركنه الأسلام == من بعدك ياضرغام
ـــــ
أيتام اليـــــــــوم إتعزّيــــك == بمصاب الحامي إتواسيك
ياأحمد ﺗﺑﭼي إعلى الراح == كافلنـــــه الغاب إتناديك
ظلّينه إبحيره إو نار == بعد إعيون الكرار
وإنسد باب الأكــرام == من بعدك ياضرغام
ــــــــــــــــــــــــــــــــــــــــــــــــــ ــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld0t295312.mp3.html

http://a6.sphotos.ak.fbcdn.net/hphot...51929602_n.jpg