وحشة زينب
 

وحشـــــة زينــــــب ( قصيدة دارمي لوفاة الحوراء عليها السلام )
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
زينب لفاها الموت وإبديرة أغراب === تِتمنّه يمها إحسين وإيهيل التراب
ــــــــــــــــــــــــــــــــــــــــــــــــــ ــــــــــــــــ
هاذي العقيله الضاع منها عمرها == بالهـــم ﮔضه إو آلام يصعب ذكرها
معروفه زينب زين عالي صبــرها == واﻟﻳﮔصد إلها إينال أجره والحِساب
ــــــ
رادت أخوها إحسين يحضر دفنها == ويــّاه يجي العباس يغمض جفنها
وإبشوفة الأحباب مَيْظَل حزنهــــا == تحله المنيّه اليوم بوجود الأحباب
ــــــ
ياشيعه إﺑﭼــوا اليوم زينب غريبه == ﻳﺑﭼــي إجاها الموت لجل المصيبه
بديار إميّه اليوم هاي الحبيبــــــــه == وافاها ملك الموت منها اﻟﮔلب ذاب
ــــ
إﮔصد إلأرض الشام زور العقيله == منها تشوف الجود ماكو مثيله
ﻳﺗﻟﮔﻪ وجهك نور هاي الأصيلـــــه == وإتشم عُطر فوّاح وإبكُل كتر هاب
ـــــ
يم زينب الحوراء صلّي يزاير == وإدعــي إله الكون ربّي يقادر
إكشف همومي إو زيل عنّي المخاطر == ترجــــع قرير العين مو زينب الباب
ـــــــــــــــــ
لجل العقيله اليوم نُنصب مآتـــــم == هنياله كُل مَنْ صار للعتره خادم
منها ينال الخير للجنه غانـــــــــــم == ياخذ هديته الفوز من داحي الباب
ــــــــــــــــــــــــــــــــــــــــــــــــــ ـــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldrbd34038.mp3.html

اخي الغالي ارجو من الله ان يمن عليك بشفاعة زينب ياخادم زينب