منتديات أنا شيعـي العالمية

منتديات أنا شيعـي العالمية (https://www.shiaali.net/vb/index.php)
-   المنتدى الثقافي (https://www.shiaali.net/vb/forumdisplay.php?f=37)
-   -   حروف من الثلج !!! (https://www.shiaali.net/vb/showthread.php?t=148263)

زكي الياسري 03-06-2012 02:06 AM

حروف من الثلج !!!
 
قلت لنفسي ذات يوم



إذا بارد يُراعـك سَرِّحــه ابإحســان
مثل عَبدَك .. إذا مابي نفِـع .. عتقه
قصيدة ابلا جَمُر .. ما تنطبـع بالبال
واذا ثلجي ويموع الحَرف .. لتنطقه
واذا نار القصيـده وجمـــر يا مولاي
من تكتبهه لازم تحـــــركَـ الـــورقه


:) :) :)

وحَمّيها القوافي .. ابغيـرة الآهات
ومن سوكَـ المَعانـي اتخـيّـر الأرقه

وهذِّب مفرداتك مِثِـــل حـَـد السيف
وحرف الشاذ كون اتلزمه واتشنقه
واذا شاعر رسالي بشعرك اتسمّيت
لازم من مراسيلك أثـــــــر يبقــــــه


و في الختام


كلام الليل يا شاعـِر .. حچي و ينكَال
لازم ينثبــــــــت بأرض الفعل صِدقه
إذا شاعر حقيقي وبـالأدب موصوف
إذن لازم كلام السالـِـــــــــــف اتطبقه
اشوفك چم سطر لاهب لحـــــــد الآن

كتبته و ماحركَـ سنتيم بالورقه !!!!!




تحياتي و اعتزازي بالاحبة الكرام
و لا واحد منكم يخابر الاطفاء

:) :) :)



















نزار الفرج 03-06-2012 02:45 AM

بسم الله الرحمن الرحيم
الله الله ياسيد زكي .. اجادومثلك يجيد ..
بوركت هذه الروح الشاعرية..
دعائي
اخوك

زكي الياسري 03-06-2012 03:20 AM

حيا الله تاج راسي الاستاذ ابو مُحسّد
مرورك الهب الصفحة
يا عزيز القلب

البدري14 03-06-2012 06:27 AM

سيد زكي الياسري
----
بوركت اخي على هذا التخيل
-----
كل مهره اصيل تريد خيال
يعن القافية ويغير للحومه
واكو من يقربلها ترعد عضاه
تصوفر جبهته وتتغير رسومه
لان فرسان بيها مثلك وشرواك
وعن بعض الخلل يتجنب اللومه
تكله هدها وابتعد غاد
تغث اهل الشعر من تحجي بنعومه
ايدين المالكي من الليط متروسات
يمثل شاعريته وتلمع نجومه
-----
طبعا انا معجب بالشاعر ايهاب المالكي
من يكول ايديني من المنصة اترسن ليط
برده على سمير صبيح

زكي الياسري 03-06-2012 07:16 AM

العم البدري
شرفتني بمروك المعطر بالقوافي الزاهية
تحية مودة


كريم السعبري 03-06-2012 09:59 AM

الاخ الياسري زكي والله زكي وعطر فواح في كتاباتك
ولكن اي منا يحرق الورق بكتاباته نعم نحرق الورق
اذا وصلت كتاباتنا بمستوى الحسين
تحياتي السعبري

زكي الياسري 03-06-2012 10:39 AM


نحركَهه نعم
من نسمع الصرخات
صرخات الحرم .. عباس چا وينه
نحركَهه نعم
من نذكر الدمعات
دمعات الرباب .. و رمله .. و سكينه
نحركَها نعم
من توصل الجمرات
يم خِدر السبط تحركَـ صواوينه


العزيز كريم السعبري
مرورك كعبير الربيع
ادامك الله لي اخاً عزيزا



القلب الاسير 03-06-2012 11:40 AM

موفق كل التوفيق
جميلة كلماتك
فكرت ورسمت وكتبت ومن ثم ابدعت
تقبل تحياتي وتقديري
الاقل
احمد رفيش

سفينة البحار 04-06-2012 06:12 AM

السيد الياسري
كلماتك معبرة
ورؤيتك جميلة
واختياراتك رائعة
دمت موفقا متالقا

زكي الياسري 05-06-2012 12:35 AM

العزيز احمد رفيش
رعاك الله على هذا المرور الطيب

و عزيزي الغالي سفينة البحار

منكم تعلمنا الابداع

تحية حب و اعتزاز


الشبكة: أحد مواقع المجموعة الشيعية للإعلام

الساعة الآن: 01:38 PM.

بحسب توقيت النجف الأشرف

Powered by vBulletin 3.8.14 by DRC © 2000 - 2025