منتديات أنا شيعـي العالمية - المايحب حيدر خسر لاتكول المايحب حيدر بشر0 والله لو سلطان كل عمره خسر ياعلي0 ياعلي0 00

لاتكول المايحب حيدر بشر0 والله لو سلطان كل عمره خسر

ياعلي0 ياعلي0

00000000000000000000

هاذه حيدر وافتهم شنهو علي

الله واحد والنبي وبعده الولي

لو تصير الدنيه والوادم علي

ولوذنب حبه اظل بيه مبتلي

ابتلي بحب حيدر ولامااتوب0 الله كال بحبه تتهاواه الذنوب

00000000000000000000

هاذه حيدر ياهومثله يابشر

لاتقارنلي ابشر شنهو عمر

حيدر الاول الاهي هالامر

وعن ابو الحسنين منغض البصر

حيدر الاول ابد لامواخير0الله سوه المرتضى نبض الضمير

0000000000000000000

هاذه حيدر فلسفة كل العصور

وتكمل الفلسفه في وقت الظهور

يله يامحجــوب تفداك النحور

برايه المخـــــتار عالدنيه ندور

برايه المختار نكصد كربله0نواسي زينب من مشت بالعائله

00000000000000000

هاذه حيـــدر ركز وافهم عدل

منين ابدي تريد اشرح يامــثل

لو كلت بس زينب يكفي الفحل

وماكلت اولاده حتى تنـــــذهل

عنده الحسين وحسن عنده الكمر0اعتلو ساداتي صهوات الدهر

0000000000000000000

هاذه حيدر من بدر نبدي بحنين

داس قائدنه علا خشــــم السنين

الرايه من جفه لعد جف الحسين

والحسن والكــمر عز المومنين

بيمن ابدي يلي حيرتو العقول0 ياشمس والله مامرهه الافول

0000000000000000

هاذه حيدرعدكم لشخصه مثيل

راجع القران وتشـــوف الدليل

والله ثلث المصحف لحيدر يميل

الله راده تصير هم ضد الجليل

وحق حيدر غير حيدر مايفيد0ربنه راده وهل الفكر لاموجديد

خادم الحسين 0عدنان منعم